Epelu 7:6 - Tokelauan New Testament

⁶ Ko Melekiheteka e hēki tupuga mai ia Levi, kae na ia aoa te tahi vaehefulu mai ia Apelaamo ma ia fakamanuiagia ia, te tino na tuku ki ei e te Atua ana folafolaga.

Epelu 7:6 ပူးပေါင်းရင်းမြစ်များ

Gāluega 3:25

Ko nā folafolaga a te Atua na kui mai i nā pelofeta, e mo koutou, ma ko koutou e aofia i te feagaiga na ohi e te Atua ma outou tupuna. E vē ona vāgana te Atua ki a Apelaamo, ‘Ka kō fakamanuiagia ia tagata uma i te lalolagi, e ala atu i nā lāpuna o koe.’

Loma 4:13

I te folafolaga e te Atua ki a Apelaamo ma ona lāpuna ko te lalolagi ka e o ia, e hēki ia faia te mea tēnei ona ko Apelaamo nae uhitaki ki te Tūlāfono, kae ona nae talitonu, ma na fakaleleia ai te va o ia ma te Atua.

Loma 9:4

Na filifilia ki lātou e te Atua ke fai ma ona tagata, ma fakakikila ki lātou ki tona mamalu; na ohi ana feagaiga ma ki lātou ma tuku atu ki ei nā Tūlāfono; kua iloa e ki lātou te faiga o nā tāpuakiga; kua maua e ki lātou nā folafolaga a te Atua;

Kalatia 3:16

Kikila, na fai e te Atua nā folafolaga ki a Apelaamo ma ki tona lāpuna. E hē leamai te tuhituhiga paia, “nā lāpuna o ia”, ko tona uiga ni tino e tokalahi, kae e leamai “tona lāpuna”, ko tona uiga he tino e fokotahi, ko tona igoa ko Keliho.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 11:17

Ko te fakatuatua te na ofo atu ai e Apelaamo tona ataliki ko Ihaako ke fai ma tāulaga, i te tofotofoga o ia e te Atua. Ko Apelaamo te tino na fai ki ei e te Atua te folafolaga, kae na malie lava ke ofo atu tona Ataliki ke fai ma tāulaga.

Epelu 7:1

Ko te Melekiheteka tēnei nae fai ma tupu o Halema ma ko he ohitāulaga e a te Atua Hilihilikehe. I te foki ifoga o Apelaamo mai te taua na fakatōkilalo ai e ia nā tupu e toka fa, na fakafetaui ki ei ia Melekiheteka ma tuku atu ki ei tana fakamanuiaga;

Epelu 7:7

E mautinoa lelei lava, e hili atu te tāua o te tino e ia faia te fakamanuiaga i lo te tino e fakamanuia.