Epelu 7:3 - Tokelauan New Testament

³ E hēai ni fakamaumauga e tūhia ai te tamana pe ko te mātua o Melekiheteka, pe ko ona tupuna; e hēai ni fakamaumauga o tona fānau mai pe ko tona mate. E vē foki ia ko te Ataliki o te Atua; e tūmau pea lava i te tofi ohitāulaga ke pa ki te fakavavau.

Epelu 7:3 ပူးပေါင်းရင်းမြစ်များ

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 7:1

Ko te Melekiheteka tēnei nae fai ma tupu o Halema ma ko he ohitāulaga e a te Atua Hilihilikehe. I te foki ifoga o Apelaamo mai te taua na fakatōkilalo ai e ia nā tupu e toka fa, na fakafetaui ki ei ia Melekiheteka ma tuku atu ki ei tana fakamanuiaga;

Epelu 7:17

Auā e vē oi tūhia i te tuhituhiga paia, “Ko koe ka fai ma ohitāulaga ke pa ki te fakavavau, i te puikāiga ohitāulaga a Melekiheteka.”

Epelu 7:2

oi fōki ai e Apelaamo ki ei te tahi vaehefulu o nā mea uma lele na maua mai te taua. (Ko te uiga muamua o te igoa o Melekiheteka ko te “Tupu Fai Meatonu”; ma ona ko ia foki ko te tupu o Halema, e i ei ai foki tētahi uiga o tona igoa ko te “Tupu o te Fīlēmū.”)

Epelu 7:6

Ko Melekiheteka e hēki tupuga mai ia Levi, kae na ia aoa te tahi vaehefulu mai ia Apelaamo ma ia fakamanuiagia ia, te tino na tuku ki ei e te Atua ana folafolaga.