Epelu 7:27 - Tokelauan New Testament

²⁷ Ko Iehu e hē vē ko iētahi ulu ohitāulaga; e hē tau ofo akea e ia ni tāulaga i aho uma, muamua, mo ana lava agahala, ma vēnā mo nā agahala a tagata. E fokotahi oioti lava te tāulaga na ia ofoa, ma e fakafokotahi oioti lava, ko te ofo atuga o ia e ia lava.

Epelu 7:27 ပူးပေါင်းရင်းမြစ်များ

Loma 6:10

Ko te mea ia, ona ko tona oti, kua hē toe i ei ai he pule a te oti ki a te ia; kae kua ola i te māfutaga ma te Atua.

Efeho 2:22

I te māfutaga ma Keliho, ko koutou foki la kua fau ake fakatahi ma iētahi tino uma ke kavea ma mea e nofo ai te Atua e ala i tona Agaga.

Efeho 5:2

E tatau nā ōlaga o koutou ke pūlea e te alofa, e vē ko te alofa o Keliho ki a te ki tātou ma na fōki ai tona ola mo ki tātou, ke fai ma tāulaga manogi e fiafia ki ei te Atua.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 5:1

Ko nā Ulu Ohitāulaga takitahi uma e filifili mai i tagata, ma tōfia ke fai ma o lātou hui ke tautua ki te Atua, ma ofo atua nā meaalofa ma nā tāulaga mo a lātou agahala.

Epelu 5:3

Ona la ko tona vāivai, e tatau ai ke ohi atu e ia he tāulaga, e hē gata mo agahala a tagata, kae vēnā foki mo ana ia lava agahala.

Epelu 8:4

Anei ake nae i kinei ia i te lalolagi, e hēki mafai ke kavea ia ma ohitāulaga, auā e i ei lava nā ohitāulaga e ki lātou ofo atua nā meaalofa e vē ona fakatonugia e te Tūlāfono a Iutaia.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Epelu 9:25

Ko te Ulu Ohitāulaga Iutaia e fano ki loto o te Nofoaga e Hili te Paia i tauhaga uma ma te toto o nā manu. Kae ko Keliho e hēki fano ki loto ke ofo atu ia ma tāulaga i ni taimi e lahi,

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

Epelu 9:7

kae nā ko te Ulu Ohitāulaga oioti te fano ki loto o te Falekie pito ki loto, ma e fakafokotahi oioti i te tauhaga e fai ai e ia te mea tēnei. E fano oioti ki loto kāfai kua ia te ia ni toto mai nā manu kua ohi ai te tāulaga, ma ofo atu ki te Atua mo ia lava ma vēnā mo nā agahala kua fai e tagata kae hē ki lātou iloa.