Epelu 6:5 - Tokelauan New Testament

⁵ na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

Epelu 6:5 ပူးပေါင်းရင်းမြစ်များ

Mataio 12:32

Ho he tino e fai hana kupu e teteke ai ki te Ataliki o te Tagata e mafai ke fakamāgalo; kae ko ai lava e fai hana kupu e teteke ai ki te Agaga Paia, ka hē fakamāgaloa lele ia e te Atua — i te ōlaga nei pe ko te ōlaga ka hau.

Maleko 6:20

Ko Helota nae mataku ia Ioane, ona na ia iloagia ko he tino āmiotonu ma mālohi tona fakatuatua ki te Atua, ko te mea ia nae ia kikila lelei ai ke nahe i ei he mea e tupu ki ei. Nae fiafia lele oi fakalogologo ki a Ioane e ui lava e ia lagona te popole o tona loto i taimi uma e ia lagona ai ia Ioane e tautala.

Luka 8:13

Ko nā fatu haito na lūlū ki luga o te kelekele fatufatua, e fakatuha ki nā tino e ki lātou lagona te kupu ma talia ma te fiafia. Kae e hēai ni o lātou aka; e talitonu oioti i he taimi pukupuku, kae pa mai loa te taimi o nā tofotofoga, e vave lele oi uma to lātou talitonu.

Efeho 6:17

Ma ke kavea te fakaolataga ke vē he pūloutau, ma te kupu a te Atua ke vē ko te pelu e tuku atu ki a te koutou e te Agaga.

Epelu 11:3

Ko te fakatuatua kua mālamalama ai ki tātou ko te lagi ma te lalolagi na gaohia i te kupu a te Atua, ma ona ko tēnei, ko nā mea e kitea na gaohia mai i nā mea e hē kitea.

Epelu 2:5

E hēki fakatonua e te Atua nā agelu ke ki lātou pūlea te lalolagi fou ko hēki pa ki ei — te lalolagi tēia e talanoa atu ai ki mātou.

Epelu 4:12

Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

1 Petelu 1:25

kae ko te kupu a te Aliki e tūmau pea lava ke pa ki te hēgata.” Ko te kupu tēnei ko te Tala Lelei tēia na tālaki atu ki a te koutou.

1 Petelu 2:3

E vēia oi lea mai te tuhituhiga paia, “Kua uma te tomi o koutou ki te agalelei o te Aliki”

2 Petelu 2:20

Kāfai nā tino iēnei kua hao mai nā uiga kino o te lalolagi ona kua ki lātou iloa to tātou Aliki Fakaola ko Iehu Keliho, kae toe popoki ma fakatōkilalogia e nā mea iēnei, e hili atu la te kino o te tūlaga e i ei ki lātou i te fakaikuga, nai lo te mea nae i ei ai i te kāmataga.