Epelu 6:19 - Tokelauan New Testament

¹⁹ Ko te fakamoemoe tēnei kua ia te ki tātou, e vē ko he taula mo o tātou ōlaga, e mautinoa e haogalēmū ai ki tātou; ma ko te fakamoemoe tēnei ko Iehu, ko tē kua fano kui atu i te kie pupuni i te Mālumalu i te lagi, ki loto o te Nofoaga e Hili te Paia

Epelu 6:19 ပူးပေါင်းရင်းမြစ်များ

Mataio 27:51

Oi haelua ai te kie pupuni i loto o te Mālumalu, mai luga ke pa ki lalo. Kua lūlū foki te kelekele ma māvaevae nā papa,

Gāluega 23:6

Kua kitea atu e Paulo ko iētahi tino o ki lātou ni Falehaio ma ko iētahi ni Hatukaio, oi kalaga atu ai i loto o te fono, “Oku uho Ihalaelu! Ko au he Falehaio, te ataliki o ni Falehaio. Ko au e i mua o te fakamahinoga tēnei, ona ko toku fakamoemoe mautinoa, ko nā tino kua oti ka toe fakatutū e te Atua ki te ola!”

Gāluega 27:29

Na mātataku lele ki lātou auā te vaka i na pūhia ki luga o ni papa, ko te mea ia na tukutuku ai e ki lātou ki lalo nā taula e fa i te mulivaka, ma tatalo ke i na ōtea loa.

Gāluega 27:40

Oi tatipi ai e ki lātou nā taula ma tuku ke gōgoto, kae tatala nā maea nae tamau ai nā foeuli. Oi fakatū ai te la i te taumua kae ke pūhia te vaka ki mua, ma fakatū ai loa ki mātou ki gāuta.

Loma 4:16

Ma ko te folafolaga la na fakavae i te fakatuatua, kae ke fakamautū ai te folafolaga, ko he meaalofa fōki fua e a te Atua ki lāpuna uma o Apelaamo — e hē nā mo ki lātou e uhitaki ki te Tūlāfono, kae vēnā foki ki lātou e talitonu e vē ko Apelaamo. Auā ko Apelaamo, ko te tamana fakateagaga ia o ki tātou uma lele;

Loma 4:18

Ko Apelaamo nae talitonu ma nae i ei tona fakamoemoe, e ui lava nae hē faigōfie mo ia, ma na kavea ai ia, “ko te tamana o mālō e lahi.” E vē oi lea mai te tuhituhiga paia, “Ka tokalahi nā lāpuna o koe e vē ko te lahi o nā fetu.”

Loma 5:4

ko te onohai e talia ai ki tātou e te Atua, ma ko te talia o ki tātou e te Atua, e tupu ai te fakamoemoe.

1 Kolinito 13:13

Ko nā mea la iēnei e tolu, ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Efeho 2:6

I te māfutaga a ki tātou ma Keliho Iehu na toe fakatutū ai ki tātou e te Atua ki te ola fakatahi ma Keliho, ma ia fakanonofoa ki tātou i tafa o Keliho, i nā nofoaga i te lagi.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 3:1

Kua uma te fakatutū o koutou mai te oti ki te ola fakatahi ma Keliho. Ke fakatāua la i nā loto o koutou nā mea i te lagi, te mea e nofo ai ia Keliho i tona nofoāliki, i te itū taumatau o te Atua.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.

Epelu 9:3

I tua atu o te kie pupuni tona lua, nae i ei ai te Falekie nae fakaigoa ko te Nofoaga e Hili te Paia.

Epelu 9:7

kae nā ko te Ulu Ohitāulaga oioti te fano ki loto o te Falekie pito ki loto, ma e fakafokotahi oioti i te tauhaga e fai ai e ia te mea tēnei. E fano oioti ki loto kāfai kua ia te ia ni toto mai nā manu kua ohi ai te tāulaga, ma ofo atu ki te Atua mo ia lava ma vēnā mo nā agahala kua fai e tagata kae hē ki lātou iloa.

1 Petelu 1:3

Ke vīkia te Atua ma te Tamana o to tātou Aliki ko Iehu Keliho! Ona ko te lahi o tona alofa fakahao na ia fōki maia ai ki a te ki tātou te ola fou, e ala i te toetū o Iehu Keliho mai te oti. Ko ki tātou kua fakatumulia i he fakamoemoe e ola pea lava,