Epelu 6:11 - Tokelauan New Testament

¹¹ Ko te mea e pito hili ona fofou ki mātou ki ei, ke mafai ke tūmau pea te koutou loto naunau ke pa ki te ikuga, kae ke mafai ai ona fakataunuku nā mea e fakamoemoe koutou ki ei.

Epelu 6:11 ပူးပေါင်းရင်းမြစ်များ

Mataio 24:13

Kae ko te tino e onohai pea lava ke pa ki te ikuga, ka fakaolagia.

Luka 1:1

Ki a Teofilo: E vē ona iloa e koe, e tokalahi nā tino kua taumafai ke ki lātou fakamaumaua ki lalo nā mea kua uma te fakataunukugia.

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

1 Kolinito 13:13

Ko nā mea la iēnei e tolu, ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Kalatia 6:9

Ki tātou la nahe fakavāivai oi fai nā mea e lelei; auā kāfai ki tātou e hē fakavāivai, e hau te taimi ka maua ai e ki tātou te helehelega.

Filipi 3:15

Ko ki tātou uma kua mātutua i te fakateagaga, e tatau ke tutuha o tātou manatu. Kae kāfai e i ei ni tino o koutou e kehe o lātou manatu, ka fakamālamalama atu e te Atua ki a te koutou.

Kolohe 1:23

Ko koutou la e tatau ke tūmau i te fakavae o te koutou fakatuatua, ma ke nahe māluelue lele mai te fakamoemoe na maua e koutou i te koutou lagonaga o te Tala Lelei. E mo te Tala Lelei tēnei kua kavea ai ia au tēnei ko Paulo, ma kaukauna — te Tala Lelei tēia kua folafola ki tagata uma o te lalolagi.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

Kolohe 2:2

E fai e au te mea tēnei kae ke fakatumulia ai ki lātou i te loto mākeke ma fuhia fakatahi i te alofa, ma lahi ai te mautinoa o ki lātou e ala i to lātou mālamalama e uiga ki te mealilo a te Atua, ko Keliho tēnā.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Tehalonia 4:10

ma e moni lava ma fakamāoni, te koutou alolofa ki te kau uho uma lele i Maketonia. Oi ko ki mātou e talohaga atu ki a te koutou o mātou uho, ke haga fakaatili pea lava te koutou alolofa.

2 Tehalonia 3:13

Kae ko koutou, te kau uho, koutou nahe fakavāivai oi fai nā mea e lelei.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

2 Petelu 1:10

Ko te mea ia oku uho ma tuafafine, taumafai ātili ke kavea te kalagagia ma te filifilia o koutou e te Atua ma mea e mautū i te koutou ōlaga; kāfai e koutou faia te mea tēnei, ka hē mafai lele foki ke tīaki te koutou fakatuatua;

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

1 Ioane 3:14

E iloa e ki tātou ko ki tātou kua olo kehe mai i te tūlaga nae vē ai ki tātou kua oti, ki te ola, auā ko ki tātou e alolofa ki o tātou uho Kelihiano. Ko ai lava la he tino e hē alofa, koi lalo lava ia o te pule a te oti.

1 Ioane 3:19

Ko nā mea la iēnā ka iloa ai ko ki tātou e i te meamoni, ma e lagona e o tātou loto te toka mālie i mua o te Atua.

Fakaaliga 2:26

Ki nā tino e ki lātou maua te manumālō ma tūmau ma te fakamāoni i taku gāluega ke pa ki te ikuga, ka fōki e au ki ei te pule na tuku mai ki a te au e toku Tamana: ka ia te ki lātou te pule e pūlea ai iētahi mālō; ka ki lātou pūlea i te pule fakahāuā ma tamoi likiliki nā tino e vē ni ulo ōmea. Ka kō fōkiatua foki ki a te ki lātou te fetu o te taeao, ke fakailoa ai to lātou manumālō.