Epelu 6:1 - Tokelauan New Testament

¹ Tātou olo la ki mua ki nā akoakoga mo nā tino mātutua, kae tuku nā lehona muamua e uiga ki a Keliho. E hē tatau ke haga talanoa pea lava ki tātou ki te māfuaaga e tatau ai ki tātou ke liliu kehe mai nā faiga e hēai he aogā, ma pe aiheā foki te tatau ai ki tātou ke talitonu ki te Atua.

Epelu 6:1 ပူးပေါင်းရင်းမြစ်များ

Mataio 21:29

Kua tali mai tona ataliki, ‘Ko au e hē fano.’ Kae mulimuli ake, kua toe hui tona māfaufau ma na fano ai oi galue.

Mataio 21:32

Auā na hau ia Ioane te Papatiho ki a te koutou ma fakahino atu te ala tonu ke havavali ai, kae e hēki mafai koutou ke talitonu ki a te ia; kae na talitonu nā aolāfoga ma fafine talitāne. Na kitea foki lava e koutou te mea tēnei, kae e hēki toe hui ai outou māfaufau mulimuli, ma talitonu ki a Ioane.”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Mataio 5:48

E tatau koutou ke lelei kātoatoa — ke vē ko te koutou Tamana i te lagi e kātoatoa tona lelei.

Mataio 7:25

Kua to mai nā uaga mamafa, kua tafe mai te vai kua lōfia ai te kelekele, ma kua agi mālohi te matagi ki te fale. Kae e hēki pakū ki lalo auā na fau i luga o te papa.

Maleko 1:1

Ko tēnei te kāmataga o te Tala Lelei ki a Iehu Keliho te Ataliki o te Atua.

Maleko 6:12

Oi olo ai loa kua tālaki atu ki tagata ke liliu kehe mai ia lātou agahala.

Luka 6:48

Ka vēia ia ko he tino e fau tona fale; e keli e ia fakaloloto te tulagā fale, oi fau ai te fakavae ki luga o te papa. Kua pā te vaitafe, oi tafe mai ai te lolovai ki te fale, kae e hēki māluelue lele auā na lelei te fauga.

Ioane 12:44

Na leo lahi lele ia Iehu ma lea vē atu, “Ko ai lava e talitonu mai ki a te au, e hē talitonu mai oioti ki a te au, kae e talitonu foki ki tē na ia uga maia au.

Ioane 14:1

Kua vāgana atu ia Iehu ki ona hoko, “Koutou nahe popole pe mātataku; talitonu ki te Atua, ma talitonu mai foki ki a te au.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Gāluega 2:38

Oi lea atu ai ia Petelu ki a te ki lātou, “Ko koutou uma tau tokatahi e tatau ke liliu kehe mai autou agahala ma papatihogia i te igoa o Iehu Keliho, kae ke fakamāgalo ai autou agahala; ma koutou maua ai te Agaga Paia, te meaalofa mai te Atua.

Gāluega 20:21

Na lapataki mālohi au ki nā tino Iutaia vēnā ma nā tino nukukehe, ke halamō ia lātou agahala ma liliu ki te Atua, ma ke talitonu ki to tātou Aliki ko Iehu.

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

1 Kolinito 13:10

kae kāfai tē e kātoatoa te lelei e hau, oi ka kave kehea loa te mea e hē kātoatoa.

1 Kolinito 2:6

Kae e folafola e au he fekau e uiga ki te poto, ki nā tino kua mautū i te fakateagaga. E hē ko te poto o te lalolagi nei, pe o nā mālohiaga e pūleagia te lalolagi — nā mālohiaga e fano e uma te lātou pule.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

2 Kolinito 7:10

Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.

Efeho 2:1

I nā aho kua teka, ko koutou nae ni tino kua feoti i te fakateagaga, ona ko koutou nae hē uhiuhitaki ma fai e koutou te agahala.

Efeho 2:5

na toe fakaola ai e ia ki tātou fakatahi ma Keliho, e ui lava ko ki tātou na feoti i te fakateagaga. Ko te alofa tūnoa o te Atua te na fakaola ai koutou.

Efeho 4:12

Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho.

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

Kolohe 3:14

Ma ke fakaopoopo ki nā uiga lelei uma iēnei te alofa, tēia e ōpoi fakatahia nā mea uma, ma kātoatoa lelei ai.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Timoteo 6:19

I te faiga tēnei, ka fakaputu ai e ki lātou mo ki lātou ni koloa, e fai ma fakavae mautū mo te lumanaki. Ma ka maua ai e ki lātou te ola, ko te ola moni ia.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Epelu 12:13

Havavali pea lava i nā auala hahako, kae ke nahe mate ai te vae e faitauale kae ke mālōlō ai.

Epelu 7:11

E ui lava la ko te Tūlāfono e lea mai ko nā ohitāulaga e tatau ke ōmamai mai te puikāiga o Levi, e hē mafai e nā ohitāulaga iēnā ke ki lātou fakalelei kātoatoagia he tino. Ma ko te mea ia e tatau ai ke i ei he ohitāulaga e vē ko Melekiheteka, i lo he tino mai te kāiga ohitāulaga o Alona.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Iakopo 1:4

Ma ke mautinoa e mafai e koutou oi onohai i nā mea uma, kae ke lelei kātoatoa ai koutou ma hēai he mea e pakū ai.

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

1 Ioane 4:12

E hēai he tino na kua ia kitea te Atua, kae kāfai ki tātou e alofa tētahi ki tētahi, ko te Atua e ola i te māfutaga ma ki tātou, ma ko tona alofa kua kātoatoa te lelei i loto o ki tātou.