Epelu 5:13 - Tokelauan New Testament

¹³ Auā ko te tino e fafaga i te huāhuhu ko he pepe, ko hēki ia iloa te mea e hako ma te mea e hehē.

Epelu 5:13 ပူးပေါင်းရင်းမြစ်များ

Mataio 11:25

I te taimi tēnā, na lea vē ake ai ia Iehu, “Te Tamana, te Aliki o te lagi ma te lalolagi! Ko au e fakafetai atu ki a te koe auā kua kē fakailoa ki a te ki lātou e hēki akoakoagia, nā mea kua kē mumunia mai ia te ki lātou e popoto ma kua akoakogia.

Maleko 10:15

E takutino atu e au ki a te koutou, ko ai lava e hē ia talia te Mālō te Atua e vē he tamaiti, ka hē hao atu lele ia ki ei.

Loma 2:20

he fakatonu mo nā tino vālelea, ma he faiakoga mo ki lātou e hē iloa he mea. E mautinoa lava e koe kua kātoatoa tō mālamalama ma tō iloa e uiga ki te meamoni, ona kua kē iloa te Tūlāfono.

1 Kolinito 13:11

Ka koi tamaiti au, ko taku tautala, ko oku lagona, ma oku manatu nae e o he tamaiti; nei ko au kua matua, kua hē toe kō fakaaogāgia oku uiga fakatamaiti.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

1 Kolinito 3:1

Ko te meamoni, oku uho, e hēki kō mafaia oi tautala atu ki a te koutou e vē oi tautala au ki nā tino kua ia te ki lātou te Agaga; nae tautala atu au ki a te koutou, ko koutou ni tino e o te lalolagi, ni fānau e i loto o te talitonuga faka-Kelihiano.

2 Kolinito 3:9

Kāfai na i ei te huhulu pupula i te mea na maua ai te fakahalaga ki te oti, ka hē hili atu nei la te uiga kehe lele atu o te huhulu pupula i te mea e maua ai te fakaolataga!

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

2 Timoteo 3:16

Ko nā Tuhituhiga Paia uma e mai te Atua, ma e aogā ke akoakoga ai, ke akoaki ai, ke fakatonu ai, ma ke fakapoto ai i te āmiotonu,

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

2 Ioane 1:11

Auā ko ai lava e fakafeiloakia ni tino vēnei, kua kavea ia ma o lātou hoa, i nā mea kino a ki lātou e fai.