Epelu 5:12 - Tokelauan New Testament

¹² I te taimi nei, ko koutou kua tatau ke fai ma faiakoga — kae koi manakomia pea lava e koutou he tino ke ia akoako atua nā lehona muamua o te fekau a te Atua. I lo te kakai ki nā meakai mamafa, ko koutou koi fakainu lava i te huāhuhu.

Epelu 5:12 ပူးပေါင်းရင်းမြစ်များ

Mataio 17:17

Kua vāgana atu ia Iehu, “Kai te hē talitonu ma te āmio pikopiko o tagata o tēnei tupulaga! He ā nei te mataloa e tatau ke māfuta ai pea au ma koutou? He ā nei te mataloa ka onohai ai pea au! Kaumai te tamaiti ki a te au!”

Maleko 9:19

Oi tali atu ai ia Iehu ki a te ki lātou, “Kai te hē talitonu o tagata o tēnei tupulaga! He ā nei te mataloa e tatau ke fakatahi ai pea au ma koutou? He ā nei te mataloa ka onohai ai pea au? Kaumai te taumalo ki a te au!”

Gāluega 7:38

Ko ia te nae i ei fakatahi ma tagata Ihalaelu i te maopoopoga i te vao; nae i ei fakatahi ma o tātou tupuna, ma te agelu na tautala ki ei i luga o te Mauga ko Hinai; ma na tuku ki ei te fekau a te Atua e ola pea lava, ke fakapa mai ki a te ki tātou.

Loma 3:2

E lahi, kāfai e kikila ki nā itū kehekehe. Muamua, na tuku e te Atua tana fekau ki nā tino Iutaia ke ki lātou taupaua.

1 Kolinito 14:19

Kae i nā faigālotu, e hili atu toku tautala i ni kupu e lima e mafai ke mālamalama ai, kae ke akoako ai iētahi tino, i lo toku tautala i ni kupu e hefulu afe i he gagana kehe.

1 Kolinito 14:20

Te kau uho, koutou nahe vē ni tamaiti i outou manatunatuga; koutou ke vē ni pepe e tuha ai ma nā mea e kino, kae ke vē ni tino mātutua e tuha ai ma nā manatunatuga o koutou.

Kalatia 4:3

Nae vēnā foki lava ki tātou i nā aho nae tamaiti ai ki tātou. Ko ki tātou nae fai ma pologa a nā agaga e pule i te lalolagi ma te vāteatea kātoa,

Filipi 3:1

Ko aku toe kupu, te kau uho, koutou ke fiafia i te māfutaga a koutou fakatahi ma te Aliki. E hēai he mea e i ei kāfai au ka toe lea atu i nā mea na tuhi atu ai au muamua. E mo te koutou haogalēmū kāfai au e toe lea atu ai.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Epelu 10:32

Māfaufau ki te tūlaga nae i ei koutou i nā aho kua teka. I nā aho iēnā, kua uma ai te huhulu atu o te mālamalama o te Atua ki a te koutou, e lahi nā mea nae pagātia ai koutou, kae ko koutou nae onohai lava.

Epelu 5:11

Te lahi ko o nā mea e fia lea atu ai ki mātou e uiga ki te matākupu tēnei, kae e faigatā ke fakamatala atu ona ko koutou e mālamalama gatā.

Epelu 5:13

Auā ko te tino e fafaga i te huāhuhu ko he pepe, ko hēki ia iloa te mea e hako ma te mea e hehē.

Epelu 6:1

Tātou olo la ki mua ki nā akoakoga mo nā tino mātutua, kae tuku nā lehona muamua e uiga ki a Keliho. E hē tatau ke haga talanoa pea lava ki tātou ki te māfuaaga e tatau ai ki tātou ke liliu kehe mai nā faiga e hēai he aogā, ma pe aiheā foki te tatau ai ki tātou ke talitonu ki te Atua.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.