Epelu 4:6 - Tokelauan New Testament

⁶ Ko nā tino na muamua fakalogo ki te tala lelei, e hēki maua e ki lātou te malōlōga tēnā, ona e hēki talitonu. E i ei la iētahi tino e fakataga e te Atua ke ki lātou mauagia.

Epelu 4:6 ပူးပေါင်းရင်းမြစ်များ

Mataio 21:43

Kua toe vāgana atu ia Iehu, “Ko te mea ia e lea atu ai au ki a te koutou, ko nā fakamanuiaga e maua mai i te pule a te Atua ka kave kehe mai ia te koutou ma fōki ki nā mālō e ki lātou faia te finagalo o te Atua.”

Gāluega 28:28

Kua fakaiku te tautalaga a Paulo oi lea vē ai: “E tatau la ke koutou iloagia, ko te fekau e uiga ki te fakaolataga a te Atua, kua kave ki nā tino nukukehe! Ka fakalogo ki lātou ki ei!”

1 Kolinito 7:29

Ko te uiga o taku tala, oku uho, ko tēnei: kua hē lava he taimi e totoe; ma e kāmata atu nei ko nā tino kua uma te fakaipoipo e tatau ke ola e vē lava ni tino e hēki fakaipoipo;

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

Epelu 4:9

Ko te mea ia, koi i ei lava mo tagata o te Atua he malōlōga, e vē ko te malōlōga o te Atua i tona fitu o aho.