Epelu 4:3 - Tokelauan New Testament

³ Ko ki tātou la nā tino kua talitonu, ka maua e ki tātou te malōlōga kua folafola e te Atua. E vē lava oi vāgana ai ia: “Ko au na ita ma fai ai taku tautōga e vēnei: ‘Ka hē pa lele ki lātou ki te nuku na mea e tuku atu ai e au ki a te ki lātou, he malōlōga.’ ” Na lea vēnei e ui lava ko tana gāluega na uma lava i te taimi na ia gaohia ai te lalolagi.

Epelu 4:3 ပူးပေါင်းရင်းမြစ်များ

Mataio 13:35

Na fai e ia te mea tēnei kae ke taunuku ai te kupu a te pelofeta, “Ka fakaaogā e au nā talafakatuha ke akoako ai ki lātou; ka fakailoa e au ki a te ki lātou nā mea nae hē iloa e he tino talu te foafoaga o te lalolagi.”

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Efeho 1:4

Ka ko hēki fakavaea te lalolagi ka kua uma te filifilia o ki tātou e te Atua ke fai mo ia, e ala i te tātou hokotaga ma Keliho, kae ke paia ai ki tātou ma hēai ni hehē i mua o ia. Ona ko tona alofa

Epelu 3:11

Ko au na ita ma fai ai taku takutinoga e vēnei: ‘Ka hē pa lele ki lātou ki te nuku na mea e tuku atu ai e au ki a te ki lātou, he malōlōga.’ ”

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.