Epelu 4:2 - Tokelauan New Testament

² Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

Epelu 4:2 ပူးပေါင်းရင်းမြစ်များ

Gāluega 13:46

Kae kua fakaatili ai te hē mātataku o Paulo ma Panapa ma lea vē atu ki a te ki lātou, “Ko te kupu a te Atua na folafola muamua atu ki a te koutou, ma ko he mea e hako lava. Kae ona ko koutou e teteke ki ei ma i ei outou manatu ko koutou e hē aogā ke maua e koutou te ola e fakavavau, ka tuku ai koutou e ki māua kae olo ki nā tino nukukehe.

Gāluega 3:26

Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Loma 2:25

Ko te pelitome e aogā oioti kāfai koe e uhitaki ki te Tūlāfono; kae kāfai e holi e koe te Tūlāfono, ka vē lava koe ko he tino e hēki pelitomeagia.

Loma 3:3

Kae e vēhea kāfai e i ei ni tino o ki lātou e hē fakamāoni? Ko tona uiga ko te Atua foki la ka hē fakamāoni?

1 Kolinito 13:3

Kāfai e fōki e au aku mea uma mā iētahi tino, ma tuku atu e au toku tino ke huhunu — kae hē ia te au te alofa, e hēai he aogā o tēnei mea mo au.

Kalatia 3:2

Ke fehili atu la au vēnei: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei?

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Kalatia 4:13

E manatua e koutou pe aiheā na kō tālakia atu ai te Tala Lelei i te taimi muamua; ona ko au nae tauale.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Timoteo 4:8

Ko te koleni fakamālohi tino e moni e aogā, kae ko te koleni fakateagaga e tāua atu ia i nā itū uma lele, auā e mautinoa ai te maua o te ola nei, ma i te lumanaki.

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

Epelu 4:6

Ko nā tino na muamua fakalogo ki te tala lelei, e hēki maua e ki lātou te malōlōga tēnā, ona e hēki talitonu. E i ei la iētahi tino e fakataga e te Atua ke ki lātou mauagia.

Iakopo 1:21

Ko te mea ia e tatau ai ke tīaki e koutou nā āmio mātagā ma nā uiga kino uma, kae talia ma te loto maulalo te kupu kua uma te ia totōagia i outou loto ke maua ai e koutou te fakaolataga.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.