Epelu 4:15 - Tokelauan New Testament

¹⁵ Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 4:15 ပူးပေါင်းရင်းမြစ်များ

Mataio 12:20

Ka hē ia honafaia nā tino vāivai, pe fakahāuā kinā tino kua hēai he fakamoemoe. Ka ia faia pea lava te mea tēnei ke pa lava ki te taimi e talia ai e tagata uma te fakaolataga e kō tuku atua ki a te ki lātou,

Mataio 4:1

Oi tataki ai ia Iehu e te Agaga ki te vao ke fakaohooho e te Tiāpolo.

Luka 22:28

“Ko koutou iēnā te nae tūmau pea lava ma au, i nā taimi o oku puapuagā;

Luka 4:2

ma ko kinā te na fakaohooho ai e te Tiāpolo i nā aho e fagafulu. E hēki kai lele i te taimi kātoa tēnei, ma i te umaga, na lagona e ia te fia kaia.

Ioane 8:46

E i ei nei he koutou tino e ia mafai oi fakamāonia kua kō faia he agahala? Kāfai au e tautala i te meamoni, he ā la te hē talitonu mai ai koutou ki a te au?

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 5:2

Ona e vāivai foki ia i te lahi o itū, oi e hē ia honafaia ai foki nā tino e hē mālamalama ma i ei ni o lātou hehē.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.