Epelu 4:14 - Tokelauan New Testament

¹⁴ Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 4:14 ပူးပေါင်းရင်းမြစ်များ

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Maleko 1:1

Ko tēnei te kāmataga o te Tala Lelei ki a Iehu Keliho te Ataliki o te Atua.

Maleko 16:19

Kua uma te vāgana atu o te Aliki ko Iehu ki a te ki lātou, oi hikitia ake ai ki te lagi ma nofo i te itū taumatau o te Atua.

Luka 24:51

Ka koi fakamanuia atu e ia ki lātou, oi fano kehe ai, kua hikitia ake ki te lagi.

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Loma 8:34

Ko ai la te ka ia taku halagia ki lātou? Ko Keliho Iehu? Hēai! Ko Keliho na oti, oi toe fakatū mai ai i te oti, ma e i te itū taumatau o te Atua, e fautua mo ki tātou!

2 Kolinito 12:2

E i ei he tino Kelihiano e iloa e au, na hikitia ake ki te lagi e hili te maualuga, e tuha kua hefulufa tauhaga taluai (e hē iloa e au pe ko te mea tēnei na tupu moni, pe ko he mea na fakailoa ki ei i he miti — nā ko te Atua oioti te ia iloa).

2 Kolinito 9:13

Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

Efeho 4:10

Ko te tino la na fanaifo ki lalo ko ia foki lava te na fanake ki luga ki te lagi pito hili te maualuga, ke fakatumu kātoatoa ai te vānimonimo i tona i ei.

Epelu 1:8

Kae e uiga ki tona Ataliki, na lea vē te Atua, “Ko tō Mālō, te Atua, ka tūmau pea lava ke pa ki fakavavau fakavavau lava! E pule e koe nā tino o koe ma te āmiotonu.

Epelu 10:12

Kae e fokotahi lava te tāulaga na ofo ake e Keliho mo nā agahala, he tāulaga e aogā pea lava ke pa ki te fakavavau, ma na nofo ai loa i te itū taumatau o te Atua.

Epelu 10:23

Tātou tāofi mau ki te fakamoemoe kua folafola e ki tātou, auā e ki tātou mautinoa ko te Atua e tauhi ki tana folafolaga.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

Epelu 6:20

Kua muamua ia ma o tātou hui, ma kua kavea ma Ulu Ohitāulaga e fakavavau, i te puikāiga ohitāulaga a Melekiheteka.

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

Epelu 7:3

E hēai ni fakamaumauga e tūhia ai te tamana pe ko te mātua o Melekiheteka, pe ko ona tupuna; e hēai ni fakamaumauga o tona fānau mai pe ko tona mate. E vē foki ia ko te Ataliki o te Atua; e tūmau pea lava i te tofi ohitāulaga ke pa ki te fakavavau.

Epelu 8:1

Ko te uiga moni o te mea e lea atu ai ki mātou, e i ei to tātou Ulu Ohitāulaga, e nofo i te itū taumatau o te nofoāliki o te Atua i te lagi.

Epelu 9:12

I te fanoga o Keliho ki loto o te falekie ma ulu atu ki loto o te Nofoaga e Hili te Paia mo te toe taimi lava, e hēki ia kavea te toto o nā oti ma nā povi ke ofo atu ma tāulaga; kae na ia ofo atua tona lava toto ma na maua ai e ki tātou te fakaolataga e fakavavau.

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

1 Petelu 3:22

tēia kua fano ki te lagi ma e i te itū taumatau o te Atua, ma e pule ia i agelu uma, taupulega ma mālohiaga uma i te lagi.