Epelu 4:13 - Tokelauan New Testament

¹³ E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.

Epelu 4:13 ပူးပေါင်းရင်းမြစ်များ

Mataio 6:4

kae ke nahe iloa ai e he tino tau fehoahoani kua fai. E kitea e te koutou Tamana nā mea e fai munimuni, ma ka fōki atu e ia he taui mo koe.

Ioane 2:24

Kae e hēki talitonu lele ia Iehu ki a te ki lātou, auā e ia iloa ki lātou uma.

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Ioane 4:16

Oi lea atu ai ia Iehu ki ei, “Fano la oi kaumai tau āvaga.”

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Loma 2:16

Ma ko te mea ia, e tuha ai ma te Tala Lelei e kō tālakia, ka vēnā foki lava te mea e pa ki ei i te Aho e fakamahino ai e te Atua e ala ia Iehu Keliho, ia manatunatuga lilo o tagata uma lele.

1 Kolinito 4:5

E hē tatau la ke fai hautou fakamahinoga ki ho he tino ka ko hēki pa mai te taimi tatau. Ko te fakamahinoga e tatau ke fakatali ke pa ki te taimi e haele mai ai te Aliki; ka ia kaumaia ki te mea mālama nā mea nae mumuni i te pōuli, ma fakailoa ia fuafuaga lilo i nā māfaufau o tagata. Oi maua ai e ki lātou uma te vīkiga e tatau ai mai te Atua.

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.