Epelu 4:12 - Tokelauan New Testament

¹² Ko te kupu a te Atua e ola ma e mamana, e kaha atu ia i lo ho he pelu matalua. E ati lele tana tipi ki te fatumanava ma te agaga, ki te mea e i ei nā hokoga ivi ma te atilo. E ia fakamahinoagia ia manakoga ma manatunatuga o te loto.

Epelu 4:12 ပူးပေါင်းရင်းမြစ်များ

Luka 8:11

“Ko tēnei te uiga o te talafakatuha: ko te fatu haito, ko te kupu a te Atua.

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Ioane 6:51

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kanofi, e fōki atu kae ke fakaola ai te lalolagi”

Gāluega 2:37

Na tuia lahi lele nā loto o tagata i te fakalogo atuga ki te mea tēnei, oi na lea vē atu ai ki lātou ki a Petelu ma iētahi apohitolo, “O mātou uho, he ā nei ta ki mātou ka fai?”

Gāluega 4:31

Kua uma te fai o te lātou tatalo, oi lūlū ai te nofoaga nae maopoopo ai ki lātou. Na fakatumulia ki lātou uma i te Agaga Paia, oi kāmata ai oi tautatala i te fekau a te Atua, e aunoa ma he mataku.

Gāluega 5:33

I te lagona atuga e te Taupulega o te mea tēnei, oi na fēkakai lahi lele ai ma fofou lele ke ki lātou tāmatea te kau apohitolo.

Gāluega 7:38

Ko ia te nae i ei fakatahi ma tagata Ihalaelu i te maopoopoga i te vao; nae i ei fakatahi ma o tātou tupuna, ma te agelu na tautala ki ei i luga o te Mauga ko Hinai; ma na tuku ki ei te fekau a te Atua e ola pea lava, ke fakapa mai ki a te ki tātou.

Loma 1:16

Ko au e talitonu kātoatoa ki te Tala Lelei; ko te mana tēnā o te Atua e fakaola ai ki lātou uma e talitonu, muamua ko tagata Iutaia, ma vēnā foki ma tagata nukukehe.

1 Kolinito 1:24

kae mo ki lātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

Efeho 5:13

Ma kāfai nā mea uma e kaumai ki fafo ki te mālamalama, oi ka kitea lelei ai o lātou uiga moni;

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Efeho 6:17

Ma ke kavea te fakaolataga ke vē he pūloutau, ma te kupu a te Atua ke vē ko te pelu e tuku atu ki a te koutou e te Agaga.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Epelu 6:5

na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

1 Petelu 1:23

Auā e ala i te kupu a te Atua e ola pea lava ke pa ki te hēgata, kua toe fānanau mai ai koutou i he mātua e fano e oti, kae hē mai he mātua e ola pea lava.

Fakaaliga 1:16

E kukuma i tona lima taumatau nā fetu e fitu, ma he pelu e taufai kaha uma nā itū e hau ki fafo mai loto o tona gutu. Ko ona fōliga e huhulu e vē ko te huhulu mālohi o te la i te vaeluaga o te aho.

Fakaaliga 19:15

E hau i loto o tona gutu he pelu kakaha, ka fakatōkilalo ai e ia nā mālō. Ka pūlea e ia ki lātou ma te fakahāuā, ma ka holi e ia i ona vae nā fuāvine i loto o te tanoa tatau vine o te tōkahā o te Atua Hilihilikehe te Mālohi.

Fakaaliga 19:21

Ko nā vaegākau a ki lātou kua fakaumatia i te pelu e hau ki fafo o te gutu o te tino e tiketike i te holofanua; ma na kai e nā manulele uma o lātou kanofi.

Fakaaliga 2:16

Liliu kehe loa mai autou agahala i te taimi nei! Kāfai koutou e hē liliu kehe, ko au ka fanatu i he taimi lata mai oi tau ma nā tino iēnā, i te pelu e hau ki fafo mai toku gutu.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.