Epelu 4:1 - Tokelauan New Testament

¹ Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Epelu 4:1 ပူးပေါင်းရင်းမြစ်များ

Mataio 24:48

Kae kāfai ko ia ko he kaukauna kino, ka lea vē ifo ki a te ia lava, ‘ko toku matai e tuai mai,’

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

2 Timoteo 2:13

Kāfai ki tātou e hē fakamāoni e fakamāoni pea lava ia, auā e hē mafai ia ke fakafiti e hē ia iloa ia ia lava.”

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Epelu 3:11

Ko au na ita ma fai ai taku takutinoga e vēnei: ‘Ka hē pa lele ki lātou ki te nuku na mea e tuku atu ai e au ki a te ki lātou, he malōlōga.’ ”

Epelu 4:11

Tātou taumafai la ma te fakamākeke ke maua e ki tātou te malōlōga tēnā, kae ke nahe i ei he tino e pakū e vē ko te mea na pa ki lātou ki ei, ona ko to lātou hē fakatuatua.

Epelu 4:9

Ko te mea ia, koi i ei lava mo tagata o te Atua he malōlōga, e vē ko te malōlōga o te Atua i tona fitu o aho.