Epelu 3:12 - Tokelauan New Testament

¹² Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

Epelu 3:12 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 24:4

Kua tali atu ia Iehu, “Koutou ke mataala kae ke nahe fakahehēa ai koutou e he tino.

Maleko 13:23

Koutou la ke mataala! Kua fakailoa atu e au ki a te koutou nā mea uma ka ko hēki pa mai te taimi.

Maleko 13:33

Koutou la ke mataala, auā e hē koutou iloa pe ko āfea e pa mai ai te taimi.

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Luka 21:8

Oi lea atu ai ia Iehu, “Koutou ke mataala kae ke nahe fakahehēa ai koutou; auā e tokalahi nā tino ka ōmamai i toku igoa, ma lea vē atu, ‘Ko au ko te Mehia!’ ma, ‘Kua pa ki te taimi!’ Kae ia koutou nahe mulimuli ki ei.

Loma 11:21

Auā e hēki fakahaoa e te Atua nā lālā moni, ma ātonu ka hē ia fakahaoa foki koe.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

1 Tehalonia 1:9

E tākua e ki lātou uma te tali leleia o ki mātou e koutou i te oatuga o ki mātou, ma te liliu kehega o koutou mai nā tupua, kae kaukauna ki te Atua moni e ola pea lava,

Epelu 10:31

Ko he mea e matuā fakamātakutaku lele, kāfai he tino e i lalo o te pule a te Atua ola!

Epelu 10:38

Kae ko nā tino o oku e āmiotonu, ka talitonu ma ola; kae kāfai he tino o ki lātou e toe liliu kehe ma au, ko au la ka hē fiafia ki a te ia.”

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 12:22

Kae ko koutou kua ōmamai ki te Mauga o Hiona, ma ki te kakai o te Atua e ola, te Ieluhalema i te lagi, fakatahi ma te afe ma afe o agelu.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Epelu 3:10

Ma ko au na ita ki nā tino iēnā ma na lea vē ai au, ‘Ko nā loto o nā tino iēnei e fakahehēgia pea lava, ko hēki ki lātou iloa nā mea e fofou au ke ki lātou faia.’

Epelu 3:19

Kua kitea la e ki tātou, e hēki mafai ki lātou ke pa ki te nuku, ona e hēki talitonu.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.