Epelu 2:5 - Tokelauan New Testament

⁵ E hēki fakatonua e te Atua nā agelu ke ki lātou pūlea te lalolagi fou ko hēki pa ki ei — te lalolagi tēia e talanoa atu ai ki mātou.

Epelu 2:5 ပူးပေါင်းရင်းမြစ်များ

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Epelu 13:14

Auā e hēai he nuku tūmau mo ki tātou i lalo nei; ko ki tātou e hakilikili ki te kakai e tuku e pa mai.

Epelu 6:5

na iloa e ki lātou e ala ia lātou gāluega nae tautua ai, ko te kupu a te Atua e lelei, ma na logo i o lātou tino te mālohiaga o te ōlaga koi hau.

2 Petelu 3:13

Kae ko ki tātou e fakatalitali ki nā mea kua uma te folafola mai e te Atua: he lagi fou ma he lalolagi fou, te mea ka fakatino ai te finagalo o te Atua.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”