Epelu 2:2 - Tokelauan New Testament

² Ko te fekau na tuku mai e nā agelu ki o tātou tupuna, e hako, ma ko nā tino e hē mulimuli pe hē uhitaki ki ei, e maua e ki lātou te fakahalaga e tatau mo ki lātou.

Epelu 2:2 ပူးပေါင်းရင်းမြစ်များ

Gāluega 7:53

Ko koutou lava iēnā te na tuku atu ki ei nā Tūlāfono a te Atua iēia na tukulima ifo e nā agelu — kae e hēki uhitaki koutou ki ei!”

Kalatia 3:19

Ko he ā la te na fai ai he Tūlāfono? Ko te Tūlāfono na fakaopoopo ki te feagaiga, kae ke iloa ai ko ki tātou e agahala, ma ko te mataloa e aogā ai, na fuafua lava ki te taimi e haele mai ai te lāpuna o Apelaamo, tēia na fai ki ei te folafolaga. Ko te Tūlāfono na tukulima ifo e nā agelu ki he tino na kavea ma hokotaga ma tagata.

Epelu 1:1

I nā aho kua leva, ko te Atua na tautala ki o tātou tupuna e ala i nā pelofeta. Na ia faia te mea tēnei i ni auala kehekehe e lahi, ma i ni taimi kehekehe.

Epelu 10:28

Ho he tino e holia te Tūlāfono a Mohe, e tāmate e aunoa ma he alofa fakahao, pe kāfai kua hala i te molimau a ni tino e toka lua pe hili atu.

Epelu 10:35

Nahe uma te lototele ia te koutou, auā e maua e koutou he taui lahi.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

2 Petelu 1:19

Oi kua ātili ai la to mātou mautinoa e tuha ai ki te fekau na fakailoa mai e te kau pelofeta. E hili la te koutou talitonu ki ei, auā e vē ko he lāmepa e mumū i he mea pōuli ke pa ki te tafa o ata o te Aho, ma huhulu atu ai te fetu o te taeao ki outou loto.

Iuta 1:5

E ui lava la kua iloa e koutou nā mea uma iēnei, kae ko au e fofou ke fakamanatu atu ki a te koutou te laveakiga e te Aliki o tagata Ihalaelu mai Aikupito, kae mulimuli ake na fakaumatia e ia nā tino o ki lātou e hēki talitonu.