Epelu 2:15 - Tokelauan New Testament

¹⁵ ma i te auala tēnei, kua ia fakahaolotoa ai nā tino nae pologa i o lātou ōlaga kātoa, ona ko te mātataku i te oti.

Epelu 2:15 ပူးပေါင်းရင်းမြစ်များ

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

Loma 8:21

ka i ei te aho e fakahaoloto ai nā mea uma na ia gaohia ma ka hē toe pala. Kae ka maua fakatahi e ki lātou te haolotoga fiafia e maua e te fānau a te Atua i to lātou mamalu.

2 Kolinito 1:10

Na ia fakahaoa ki māua mai te fakamātakutaku kino o te oti; ma ka ia fakahaoa ki māua; ma kua tuku tahi to mā fakamoemoe ki a te ia, ka ia toe fakahaoa ki māua.

Kalatia 4:21

Ke fehili atu au ki nā tino o koutou e fofou ko ki lātou ke i lalo o te pule a te Tūlāfono; e hē koutou lagona nei te mea e lea mai ai te Tūlāfono?

2 Timoteo 1:7

Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

Epelu 2:16

Auā e manino lele e hē ko nā agelu te fehoahoani ia ki ei, kae e fehoahoani ki nā fānau a Apelaamo.