Epelu 2:14 - Tokelauan New Testament

¹⁴ Ona la ko nā fānau, e vē oi fakaigoa ai ki lātou e ia, ni tino e o te kanofi ma te toto, na ia faia ai ia ia lava, ke vē ko ki lātou. Na fai e ia te mea tēnei, kae ke kavea ai tona mate ma auala e fakatōkilalo ai te Tiāpolo, tē e pule ki te oti,

Epelu 2:14 ပူးပေါင်းရင်းမြစ်များ

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 12:24

E takutino atu e au ki a te koutou te meamoni: ko te fuāhaito e fokotahi e tūmau lava ma fuāhaito e fokotahi, vaganā e pakū ki te kelekele ma mate. Kāfai e mate, oi ka lahi nā fua e maua mai ai.

Loma 14:9

Auā ko Keliho na oti ma toe ola mai, kae ke kavea ai ia ma Aliki mo tagata ola, vēnā ma tagata oti.

Loma 8:3

Na fai e te Atua te mea e hēki mafai e te Tūlāfono, ona ko te vāivai o te natula fakatetagata. Na taku halagia e ia te agahala i te natula fakatetagata, i te uga maiga e ia o tona Ataliki, tēia na hau ma he natula agahala fakatetagata e vē foki lava ko ki tātou, ke fakauma ai te agahala.

1 Kolinito 1:28

Na filifili e ia te mea e fakatauva ma inoino ki ei te lalolagi ma manatu ai e hēai hona uiga, kae ke fakahēaogā ai nā mea e manatu te lalolagi e tāua.

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Kolohe 2:15

Ma ko luga o te hātaulo te na fakatōkilalo ai e Keliho nā agaga e takua ni tupu vēnā ma nā taupulega; na fakamahiahi e ia ki lātou i mua o tagata e vē ni tino kua puke fakapagotā, e ala i te fakahavavali pito ki mua o te holo e fakailoga ai tona manumālō.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

2 Timoteo 1:10

kae nei kua fakaalia ki a te ki tātou, e ala i te haele mai o to tātou Fakaola ko Keliho Iehu. Kua fakauma e ia te mālohi o te oti, ma fakailoa mai e ala i te Tala Lelei, te ola e hē uma.

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 10:5

Ko te mea ia na lea vēnei atu ai ia Keliho ki te Atua i te taimi kua lata ai ki tona haele mai ki te lalolagi, “Ko koe e hē fofou ki nā tāulaga ma nā meaalofa, kae kua hāunia e koe he tino mo ōku.

Epelu 2:17

Ko tona uiga, na kavea foki ia ke vē ko nā uho ma tuafafine o ia, kae ke fai ai ia ma o lātou Ulu Ohitāulaga fakamāoni ma alofa fakahao i ana gāluega e tautua ai ki te Atua, mo te fakamāgaloga o agahala a ona tagata.

Epelu 2:18

Ma e ona ko ia foki na fakaohoohogia ma maua i nā puapuagā, kua ia mafaia ai oi fehoahoani ki nā tino e fakaohoohogia.

Epelu 4:15

Ko te Ulu Ohitāulaga mo ki tātou e mālamalama i nā mea e vāivai ai ki tātou. Auā na fakaohoohogia i nā auala kehekehe uma e vē foki lava ko ki tātou, kae e hēki agahala.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 20:2

Kua puke e ia te tālako, te gata mai te kāloā — ko tētahi ona igoa ko te Tiāpolo pe ko Hātani — ma haihai i te filifili mo he afe tauhaga.