Epelu 2:10 - Tokelauan New Testament

¹⁰ Ko he mea tatau i te Atua, tē na gaohia ma mafai ke tūmau ai ia mea uma, ke ia fakakātoatoagia te lelei o Iehu e ala i ona puapuagā, kae ke takitakia ai te tokalahi o fānau a te Atua, ke i ei fakatahi ma ia i tona mamalu. Auā ko Iehu te takitakia ki lātou ki te fakaolataga.

Epelu 2:10 ပူးပေါင်းရင်းမြစ်များ

Luka 13:32

Oi tali atu ai ia Iehu ki a te ki lātou, “Olo oi lea ki te ālope tēnā, ‘Kikila, e kō tulia ki fafo nā tēmoni ma fakamālōlō nā tauale i te aho nei, ma taeao, ma ko tona tolu o aho ka fakauma ai aku gāluega.’

Luka 2:14

“Ko te vīkiga ki te Atua Hilihilikehe, ma te fīlēmū i te lalolagi, mo ki lātou kua fiafia ia ki ei!”

Luka 24:26

E hē tatau nei te Mehia ke maua muamua i nā puapuagā iēnei, kae ke ulufale atu ai ia ki tona mamalu?”

Luka 24:46

ma vāgana atu vēnei ki a te ki lātou, “Ko te mea tēnei kua tūhia: ko te Mehia e tatau ke maua i nā puapuagā, ma toe tū mai i te oti i tona tolu o aho,

Ioane 11:52

ma e hē nā mo nā tino Iutaia oioti, kae ka vēnā foki ona fakamāopoopo e ia nā tino uma o te Atua e takape i atunuku kehekehe, ke kavea e vē ko he tino e tahi.

Ioane 19:30

Kua inu e Iehu te uaina, oi vē ake ai tana kupu, “Kua taunuku!” Oi fakagaugau ifo ai ki lalo tona ulu, oi to ai loa tana mānava.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Gāluega 5:31

Kua fakaeke ake ia e te Atua ki tona itū taumatau ke fai ma Takitaki ma ke fai foki ma Fakaola, kae ke maua ai e te nuku o Ihalaelu te avanoa ke halamō ai, ma fakamāgalo ai mai a lātou agahala.

Loma 11:36

Auā ko nā mea uma lele na ia faia, e ala ia te ia, ma e mo ia. Ke vīkia pea lava te Atua ke pa ki te hēgata! Amene.

Loma 9:23

ma e vēhea pe kāfai kua ia faia te mea tēnei kae ke fakailoa ai te lahi lele o tona mamalu fakaalia mo ki tātou nā tino e fakaaga ki ei tona alofa fakahao, nā tino o ki tātou kua uma te ia tāpenagia ke maua e ki lātou tona mamalu fakaalia.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

2 Kolinito 3:18

Ko ki tātou uma la te kitea ai te huhulu pupula o te Aliki e ala i o tātou fōliga e hē pupunia i he kie ufimata; ma ko te huhulu pupula lava tēnā e fokotahi e hau mai te Aliki, ko ia ko te Agaga, e ia fakaliuagia ki tātou ke vē lava ko ia, i he huhulu pupula e hilihili te uiga kehe.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

2 Kolinito 5:18

Ko te mea kātoa tēnei na fai e te Atua. Na ia fakaleleia to tātou va ma ia e ala ia Keliho, ma tuku mai e ia ki a te ki mātou te gāluega ko te fakaleleia o te va o ia ma iētahi tino.

2 Kolinito 6:18

Ka fai au ma outou tamana, ma ko koutou ni ataliki ma ni afafine e ōku, kua vāgana ai te Aliki Hilihilikehe.”

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Efeho 2:7

Na fai e ia te mea tēnei ke fakaalia ai mo taimi uma lele koi mua, te tūkehe o te lahi o tona alofa tūnoa, e ala i te agalelei o Keliho Iehu ki a te ki tātou.

Efeho 3:10

kae ke fai ai te Ekalehia i nā aho nei, ma auala ke iloa ai e te kau agelu pule ma mālohiaga i te lagi, te matalahi o te poto o te Atua.

Kolohe 3:4

Ko te ola moni o koutou ko Keliho, ma kāfai e hau, oi ko koutou foki ka ōmamai fakatahi ma ia, ma ka i ei fakatahi koutou i tona mamalu.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 6:20

Kua muamua ia ma o tātou hui, ma kua kavea ma Ulu Ohitāulaga e fakavavau, i te puikāiga ohitāulaga a Melekiheteka.

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

Epelu 7:28

E tōfia e te Tūlāfono a Mohe nā tino e hē kātoatoa te lelei, ke kavea ma ulu ohitāulaga; kae ko te folafolaga a te Atua na fai ai ma tana tautōga ka ko hēki i ei ai te Tūlāfono, kua tōfia ai te Ataliki, tē kua uma te fakakātoatoagia o tona lelei ke pa ki te fakavavau.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

1 Petelu 5:10

Kāfai e uma atu nā taimi e puapuagā ai koutou, ko te Atua o te alofa tūnoa tē e ia kalagagia koutou ke i ei i tona mamalu tūmau i te māfutaga ma Keliho, ka ia toe fakakātoatoagia koutou, ma lagolago ma fakamākeke atu.

Fakaaliga 4:11

“To mātou Aliki ma to mātou Atua! E tatau ma onomea ke maua e koe nā vīkiga, te fakaaloalo ma te mana. Auā ko nā mea uma lele na fai e koe, ma ko koe lava na loto ke i ei ni mea vēnei, ma na kē gaohia ai loa.”

Fakaaliga 7:9

Kua uma atu te mea tēnei, oi kō kitea atu ai he kaifenua e tokalahi — e hē mafai ke faitau e he tino te tokalahi! Na ōmamai mai lanu uma, nuku uma, mālō uma ma gagana uma, ma e tutū i mua o te nofoāliki ma te Punuamāmoe. E kokofu papae ma tāofi nā laupama i o lātou lima.