Epelu 13:4 - Tokelauan New Testament

⁴ Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

Epelu 13:4 ပူးပေါင်းရင်းမြစ်များ

1 Kolinito 5:13

E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

1 Kolinito 6:18

Kalo kehe ma nā āmioga mātagā. Ko ho hētahi agahala a he tamāloa e fai e hē āfāina ai tona tino; kae ko te tamāloa e faia nā āmioga mātagā, kua agahala ia ki tona lava tino.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

1 Kolinito 7:38

Ko te mea ia, e lelei kāfai te tamāloa e fakaipoipo kae e hili atu la te lelei mo te tamāloa e hē fakaipoipo.

1 Kolinito 9:5

E hē ia te au nei te aiātatau ke fakatakitaki ai ki nā mea nae fai e iētahi apohitolo ma nā uho o te Aliki ma Petelu, i toku fano ma kave haku āvaga Kelihiano i aku faigāmalaga?

2 Kolinito 5:10

Auā ko ki mātou uma e tatau ke tutū i mua o Keliho, ke fakamahino e ia. Ka maua e te tino tona lava taui, fua ki ana gāluega nae fai, pe nae lelei, pe nae kino, ka koi ola ia i tona tino fakatetagata.

Kalatia 5:19

Ko nā mea e fai e te natula fakatetagata e manino lele. Ko te nanau ki te tino, ko te āmio fakamanu, ma te fai āmio mātagā;

Kalatia 5:21

ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

1 Timoteo 3:12

Ko te tiākono e tatau ke fokotahi oioti tana āvaga, ma ia mafaia oi kikila lelei tana fānau ma tona kāiga.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 3:4

e tatau ke ia mafaia oi kikila lelei tona kāiga, ma akoako tana fānau ke iloa uhitaki ma fakaaloalo.

1 Timoteo 4:3

E akoako e ki lātou ko te fakaipoipo ma te kakai ki ni itūkāigā meakai, e hē ni mea e tatau ke fai. Oi ka ko nā meakai uma iēnei na gaohia e te Atua ke kakai ki ei, kāfai kua uma he tatalo fakafetai, nā tino kua talitonu ma iloagia te meamoni.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

Tito 1:6

ko te tino e tōfia ma toeaina e tatau ke lelei tana āmio; e tatau ke fokotahi oi oti tana āvaga, ma tatau tana fānau ke talitonu ki te Atua kae nahe ola i he ōlaga hē pūlea pe fakalogogatā.

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.