Epelu 13:20 - Tokelauan New Testament

^20-21 Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 13:20 ပူးပေါင်းရင်းမြစ်များ

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Maleko 14:24

Kua vāgana atu ia Iehu, “Ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi.

Luka 22:20

Na vēnā foki oi tuku atu e ia te ipu i te umaga o te kakai, ma vāgana vē atu, “Ko te ipu tēnei o te feagaiga fou a te Atua, kua fakamau fakailoga i toku toto kua fakamaligi mo koutou.

Ioane 10:11

“Ko au ko te leoleomāmoe lelei. Ko te leoleomāmoe lelei e ofo atu e ia tona ola, mo ana māmoe.

Ioane 10:14

Ko au ko te leoleomāmoe lelei. E vē ona iloa au e te Tamana ma iloa e au te Tamana,

Gāluega 13:30

Kae na toe fakatū mai ia e te Atua mai te mate,

Gāluega 17:31

Auā kua uma te fakamau e ia o te aho ka ia fakamahinoa ai ma te āmiotonu te lalolagi kātoa, e ala i he tino kua ia filifiliagia. Kua ia fakamāoniagia ki tagata uma te mea tēnei, e ala i te toe fakatūga e ia o te tino tēnā mai te oti!”

Gāluega 2:24

Kae na toe fakatū e te Atua ia Iehu mai te oti, ma fakahaoloto mai nā tīgā matuitui o te oti, auā e hē mafai e te oti oi tāofi fakapagotā ia Iehu.

Gāluega 2:32

Kua toe fakatū mai i te oti e te Atua te Iehu lava tēnei, oi ko ki mātou uma iēnei ni molimau ki te mea tēnā.

Gāluega 3:15

Na tāmate e koutou te tino e takitaki e ia ia tagata ki te ola moni, kae kua toe fakatū e te Atua mai te oti — ma ko ki mātou ni molimau ki te mea tēnei.

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.

Gāluega 5:30

Ko te Atua o nā tupuna o ki tātou te na ia fakatūa ia Iehu mai te oti, i te tāmatega e koutou i luga o te hātaulo.

Loma 10:7

“Ia koe foki nahe lea vē, Ko ai te ka fano ki lalo ki te lalolagi o tagata oti?” (ke kavake ia Keliho ki luga mai te oti).

Loma 15:33

Ke fakatahi te Atua, te puna o te fīlēmū, ma koutou uma lele. Amene.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

Loma 8:11

Kāfai te Agaga o te Atua tē na ia toe fakatūa ia Iehu mai te oti, e ola i loto ia te koutou, ko tona uiga ko tē na ia toe fakatūa ia Keliho mai te oti ka ia fōkiatua foki te ola ki outou tino e fano e oti, e ala i tona Agaga i loto ia te koutou.

1 Kolinito 14:33

auā e hē fofou te Atua ko ki tātou ke i he tūlaga fakahētonu, kae ke maua i te fealofani ma te fīlēmū. E vē ko te tūlaga e i ei nā Ekalehia uma a tagata o te Atua,

1 Kolinito 15:15

Kae hili atu ai la, ka kavea ki mātou ma tagata faitala pepelo e uiga ki te Atua, auā ki mātou na lea na ia fakatūa ia Keliho mai te oti — ma kāfai e hako ko nā tino oti e hē toe fakatutūa mai te oti, ko tona uiga e hēki fakatūa e ia ia Keliho mai te oti.

1 Kolinito 6:14

Ko te Atua na ia fakatūa te Aliki mai te oti, ma ka ia fakatutūa foki ki tātou i tona mana.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 4:14

E iloa e ki mātou ko te Atua, tē na ia fakatūa te Aliki ko Iehu ki te ola, ka ia fakatutūa foki ki mātou ma Iehu, ma ia kavea ai ki mātou fakatahi ma koutou, ki te mea e i ei ia.

Kalatia 1:1

Mai ia Paulo, he apohitolo e hēki tōfiagia e tagata pe e ala i he pule fakatetagata, kae na kalagagia e Iehu Keliho ma te Atua te Tamana, tē na ia fakatūagia ia Keliho mai te oti.

Efeho 1:20

na fakatū ai ia Keliho mai te oti, ma fakanofo ai i tona itū taumatau i te mālō i te lagi.

Filipi 4:9

Fakatino nā mea na iloa ma maua e koutou mai ia te au, e hē gata i aku kupu kae vēnā foki aku gāluega. Ma ko te Atua e maua ai e ki tātou te fīlēmū, ka fakatahi ma koutou.

Kolohe 2:12

Auā i te papatihoga o koutou, ko koutou na tanu fakatahi ma Keliho, ma e ala i te papatihoga na toe fakatutū mai ai foki koutou mai te oti fakatahi ma Keliho e ala i te koutou fakatuatua ki te mana galue o te Atua, tē na ia toe fakatūa ia Keliho mai te oti.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 9:20

Na vāgana ai vēia, “Ko te toto tēnei e fakamautū ai te feagaiga kua fakatonu e te Atua ke uhitaki koutou ki ei.”

1 Petelu 1:21

Ona ko nā mea kua koutou iloa e uiga ki a Keliho, kua talitonu ai koutou ki te Atua tē na ia fakatūa ia Keliho mai te oti, ma tuku atua ki a te ia te mamalu; ko te mea ia kua mautū ai te koutou fakatuatua ma te fakamoemoe ki te Atua.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.

1 Petelu 5:4

Kāfai la te Leoleomāmoe Hili e toe hau, ka maua e koutou te pale mamalu e hē mafai ke matafi kehe tona gigila.