Epelu 13:16 - Tokelauan New Testament

¹⁶ Tautuanā e fai e koutou ni gāluega lelei ma fehoahoani tētahi ki tētahi, auā ko iēnā nā tāulaga e fiafia ki ei te Atua.

Epelu 13:16 ပူးပေါင်းရင်းမြစ်များ

Luka 18:22

I te lagona atuga e Iehu o te mea tēnei, oi vāgana atu ai ki ei, “Ko toe tahi lava la te mea e tatau ke kē faia. Fano oi fakatau au mea uma lele ma fōki te tupe ma nā tino mātitiva, ma ka maua ai e koe nā koloa e lahi i te lagi; oi hau ai oi mulimuli mai ki a te au.”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 9:36

I Iopa, nae i ei he fafine kua talitonu ki te Aliki e igoa ki a Tapita. (Ko Toka i te gagana Eleni, ma ko tona uiga “he aila”.) Nae fakafano tona taimi uma i te faiga o nā gāluega lelei ma fehoahoani ki tagata mātitiva.

Loma 12:13

Kave he vāega o autou mea ke ola ai outou uho Kelihiano mātitiva, ma talia i loto o outou fale nā tino kehe.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

Kalatia 6:6

Ko te tino kua uma te akoakogia i te fekau faka-Kelihiano, e tatau ke fakaaogā fakatahi e ia nā mea lelei a ia kua maua, ma tona faiakoga.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

Filipi 4:14

Kae te lelei na mafai e koutou oi fehoahoani mai i nā taimi faigatā nae feagai ma au.

Filipi 4:18

Kua maua e au te totogi kātoatoa, ma e hili atu foki ki luga — ma kua hēai lele hētahi mea e kō manakomia, talu te hau o Epafolotito ma nā meaalofa mai ia te koutou. Ko autou meaalofa e vē ni tāulaga mea manogi e ofo atu ki te Atua, ma e talia ma fiafia ia ki ei.

1 Tehalonia 5:15

Kikila ke nahe i ei he tino e ia taui atua te kino i te kino, kae taumafai i taimi uma ke fai nā mea lelei e tētahi ki tētahi, ma vēnā ki tagata uma.

2 Tehalonia 3:13

Kae ko koutou, te kau uho, koutou nahe fakavāivai oi fai nā mea e lelei.

1 Timoteo 6:18

Fakatonu ke fai e ki lātou nā mea e lelei, ke maukoloa ki lātou ia lātou gāluega lelei e fai, ma ke lima fōaki ma fehoahoani ki iētahi tino.

Filemoni 1:6

Ko taku tatalo ko te fakatahiga a ki mātou ma koutou iēnā kua talitonu, ka maua ai he mālamalamaga lelei e uiga ki nā fakamanuiaga takitahi uma kua ki tātou mauagia, i te māfutaga ma Keliho.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.