Epelu 12:9 - Tokelauan New Testament

⁹ E i ei o tātou tamana fakatelalolagi ke akoakia ki tātou, ma ko ki tātou e fakaaloalo ki ei. Ka hē hili atu nei la te tatau ke tuku atu o tātou tagata ke akoaki e to tātou Tamana fakateagaga, ma maua ai e ki tātou te ola!

Epelu 12:9 ပူးပေါင်းရင်းမြစ်များ

Luka 18:2

Kua lea vē atu, “Nae i ei he fakamahino i hētahi kakai, nae hē mataku i te Atua ma hē fakaaloalo ki tagata.

Luka 18:4

E hēki taliagia e te fakamahino, ma na mataloa lele he taimi nae hē fia tokaga ai ki ei, kae mulimuli ake kua vē ifo i tona loto, ‘E ui lava ko au e hē mataku i te Atua, ma hē fakaaloalo ki ho he tagata,

Ioane 3:6

E fānanau e tagata ola a lātou fānau. Kae nā ko te Agaga oioti te ia mafaia oi hūia koutou, ke kavea ma fānau a te Atua.

Gāluega 2:30

Nae he pelofeta ka koi ola ai, ma na ia iloa te folafolaga a te Atua na fai e uiga ki a te ia: na fai te tautōga a te Atua ka ia faia he lāpuna o Tavita ke kavea ma tupu e vē foki lava ko Tavita.

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 9:3

ki oku tagata, oku kanofi ma oku toto! Na hili ai pe kana fetū au e te Atua ma kave kehea mai ia Keliho, pe kāfai ko te mea ia e maua ai e oku tagata he fehoahoani.

Loma 9:5

na tupuga mai ki lātou i nā tino Epelu takutakua, ma na tupuga mai ai foki ia Keliho. Ke vīkia te Atua tē e aoao tana pule, ke pa lava ki te hēgata. Amene.

Iakopo 4:10

Fakamaulalo i mua o te Aliki, oi hiki ake ai koutou e ia ki luga.

Iakopo 4:7

Ko te mea ia, e tatau koutou ke uhiuhitaki lelei ki te Atua. Teteke atu ki te Tiāpolo, oi ka hola kehe ai ia ma koutou.

1 Petelu 5:6

Koutou la ke maua i te loto maulalo i mua o te Atua mālohi hilihili kehe, kae ke hiki ake ai koutou e ia ki luga, i te taimi e ia filifilia.

Fakaaliga 22:6

Oi leamai ai te agelu ki a te au, “Ko nā kupu iēnei e moni ma e fakamāoni. Ma ko te Aliki te Atua, tē e ia tukuatua tona Agaga ki te kau pelofeta, kua uga e ia ana agelu ke fakailoa atu ki ana kaukauna, nā mea kua tāli pa ki te taimi e tutupu ai.”