Epelu 12:3 - Tokelauan New Testament

³ Māfaufau ki nā mea na pa ia ki ei; ki te lava o tona onohai ki faiga fakatauemu a nā tino agahala nae feita lahi ki ei. Koutou la nahe fakavāivai pe loto pala.

Epelu 12:3 ပူးပေါင်းရင်းမြစ်များ

Mataio 11:19

I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 15:2

“He ā te hē uhitaki ai nā hoko o koe ki nā akoakoga na tuku mai e o tātou tupuna? E hē fufulua o lātou lima e vē ko te mea na fakatonu mai ai ki tātou, ka ko hēki kakai!”

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Mataio 21:46

oi taumafai ai loa ki lātou ke puke ia Iehu. Kae nae mātataku i te kaifenua, auā ko nā tino e talitonu lava, ko Iehu ko he pelofeta.

Mataio 22:15

Kua olo kehe te kau Falehaio ma kua taupulepule ke māilei ia Iehu i ni fehili e fai ki ei.

Luka 14:1

I tētahi Hāpati na fano ai ia Iehu ki te fale o he takitaki o te kau Falehaio mo he la katiga; ma nae tautuku atu lava ia e nā tino.

Luka 15:2

ma kua kāmata oi mūimui te kau Falehaio ma nā faiakoga o te Tūlāfono, “Ko te tagata nei e talia e ia nā tino inohia, ma kakai fakatahi ma ki lātou!”

Luka 16:14

I te lagona atuga o nā mea uma iēnei e te kau Falehaio, oi fai ai a lātou kupu fakatauemu ki a Iehu, auā ko ki lātou ni tino e fiafia ki nā tupe.

Luka 2:34

Oi fakamanuia ai ki lātou e Himeona, ma lea vē atu ki a Malia, te mātua o te pepe, “Kikila, ko te pepe tēnei kua filifilia e te Atua mo te fakaumatiaga ma te fakaolataga o tagata Ihalaelu. Ka fai ia ma fakailoga mai te Atua e teteke ki ei te tokalahi o tagata,

Luka 5:21

Oi kāmata ai kua fakataufai nā faiakoga o te Tūlāfono ma te kau Falehaio, ma fehili vē, “Ko ai tēnei tagata e fai kupu fāifāi ki te Atua? Nā ko te Atua oioti lava te ia mafaia oi fakamāgalo nā agahala!”

Ioane 10:20

E tokalahi ki lātou na lea vē, “Ko te tagata tēnei e ulufia e he tēmoni! E hē lelei te māfaufau. He ā la te fakalogo tauanoa ai koutou ki ei?”

Ioane 18:22

I te leaga vēnā o Iehu, kae po e hētahi o nā leoleo ma lea vē atu ki ei, “Kai koe te hē māfaufau ma au fai tautala e fai ki te Ulu Ohitāulaga?”

Ioane 5:16

Oi kāmata ai ia fakahāuāga a takitaki o Iutaia ki a Iehu, ona na ia fakamālōlōa he tino i te Hāpati.

Ioane 7:12

Kua tautalatala muhumuhu te tokalahi o nā tino, e uiga ki a Iehu. Kua lea vē iētahi, “Ko Iehu he tino lelei,” kae lea iētahi, “Hēai, e fakahehē e ia ia tagata.”

Ioane 8:13

Kua lea mai te kau Falehaio ki a te ia, “Ko koe e molimau lava koe ki a te koe; ko te mea e lea mai ai koe e hē fakamāonia.”

Ioane 8:52

Kua lea atu ki lātou ki a te ia, “Kua ki mātou fakamāonia nei ko koe e ulufia e he tēmoni. Ko Apelaamo na oti, na feoti foki ma nā pelofeta, kae ko koe e lea mai, ko ai lava e uhitaki ki au akoakoga e hē oti lele.

Ioane 8:59

Oi tago ai ki lātou ki nā fatu ka fetogi ia Iehu, kae kua fakalafi ia Iehu mai ia te ki lātou, ma fano kehe ai mai te Mālumalu.

Ioane 9:40

Ko iētahi o te kau Falehaio nae i kinā, na ki lātou lagona te tala tēnei a Iehu, oi fehili vē ai ki ei, “Ko ki mātou foki la e tāuaho?”

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

2 Kolinito 4:16

Ko ki mātou la e hē fakavāivai lele. E ui lava ko o mātou tino fakatetagata e fano lava e pala, kae ko o mātou tino fakateagaga, e fakafougia pea lava i aho takitahi.

Kalatia 6:9

Ki tātou la nahe fakavāivai oi fai nā mea e lelei; auā kāfai ki tātou e hē fakavāivai, e hau te taimi ka maua ai e ki tātou te helehelega.

2 Tehalonia 3:13

Kae ko koutou, te kau uho, koutou nahe fakavāivai oi fai nā mea e lelei.

Epelu 12:2

ma kikila pea ki a Iehu, tē na ia kamatagia ma fakakātoatoagia to tātou fakatuatua mai te kāmataga ki te ikuga. E hēki fakavāivai lele ia Iehu ona ko te hātaulo. Kae ona ko te fiafia e fakatalitali mo ia, e hēki popole lele ai ki te tūlaga takuvalea o te mate i luga o te hātaulo, ma i te taimi nei la, kua nofo i te itū taumatau o te nofoāliki o te Atua.

Epelu 12:5

Ko koutou nei kua pupuli i nā kupu fakamākeke na vāgana atu ai te Atua ki a te koutou tana fānau? “Taku tama, fakalogo lelei kāfai koe e fakatonu atu e te Aliki, ma ia koe nā fakavāivai kāfai koe e akoaki e ia.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

1 Petelu 2:23

Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.

Fakaaliga 2:3

E iloa e au ko koutou e onohai ma kua maua i nā puapuagā ona ko au, ma e hē fakavāivai lele ai koutou.