Epelu 12:24 - Tokelauan New Testament

²⁴ Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 12:24 ပူးပေါင်းရင်းမြစ်များ

Mataio 23:35

Ona ko te mea tēnei, ka pakū atu ai ki o koutou luga te fakahalaga mo te fakamaligiga o te toto o nā tino āmiotonu i te lalolagi, mai te toto o Apelu e aunoa ma hana hala ki te toto o Hakalia te ataliki o Palakia, na koutou tāmatea i te va o te fata faitāulaga ma te Nofoaga Paia i loto o te Mālumalu.

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Maleko 14:24

Kua vāgana atu ia Iehu, “Ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi.

Luka 11:51

mai te tāmatega o Apelu ki te tāmatega o Hakalia, tēia na tāmate i te va o te fata faitāulaga ma te Nofoaga Paia. Io, e lea atu au ki a te koutou, ko nā tino o nā aho nei ka fakahala ona ko ki lātou uma lele na tāmate!

Luka 22:20

Na vēnā foki oi tuku atu e ia te ipu i te umaga o te kakai, ma vāgana vē atu, “Ko te ipu tēnei o te feagaiga fou a te Atua, kua fakamau fakailoga i toku toto kua fakamaligi mo koutou.

Kalatia 3:20

Ma e hē manakomia he hokotaga pe kāfai e fokotahi oioti te tino; ma e fokotahi oioti lava te Atua.

1 Timoteo 2:5

Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 11:28

Ko te fakatuatua te na ia fakatinoa ai te Pāheka ma na ia fakatonua ai ke vali nā faitotoka i te toto, kae ke nahe tāmatea ai e te Agelu o te Oti, nā pepe tama ulumatua o Ihalaelu.

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 7:22

Ko te kehekehega la tēnei, kua kavea ai foki ia Iehu ma fakamāoniga o te hili atu o te lelei o te feagaiga fou.

Epelu 8:13

I te tautalaga o te Atua e uiga ki he feagaiga fou, na kavea ai loa te feagaiga muamua ma feagaiga tuai; ma ko ho he mea kua leva ma tuai, e hē mataloa kae mou kehe atu.

Epelu 8:6

Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 8:8

Kae kua kitea e te Atua nā mea hehē a ona tagata i te leaga vē, “E hau nā aho, kua vāgana ai te Aliki, e fai ai e au he feagaiga fou ma tagata o Ihalaelu vēnā ma tagata o Iuta.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

Epelu 9:19

Muamua, na folafola e Mohe ki tagata nā fakatonuga uma e vē ona tūhia i te Tūlāfono. Oi kave ai e ia te toto o nā povi ma nā oti, kua palu ki ei nā vai, oi lūlū ai ki luga o te tuhi o te Tūlāfono ma luga o tagata. Na fakaaogā e ia he tamā lālā mai te lākau e igoa ko te īhopo, ma ni vavae lanu kukula ke fai ai te mea tēnei.

Epelu 9:21

Na vēnā foki oi lūlū e Mohe te toto ki luga o te Falekie Paia, ma luga o nā mea uma e fakaaogā i nā tāpuakiga.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.