Epelu 12:23 - Tokelauan New Testament

²³ Ko koutou kua ōmamai ki te fakatahiga fiafia a nā ulumatua a te Atua, iē kua tūhia o lātou igoa i te lagi. Ko koutou kua ōmamai ki te Atua, ko ia ko te fakamahino o tagata uma, ma ko kinei foki te fakalelei kātoatoa ai ia agaga o nā tino e faia nā mea e tonu.

Epelu 12:23 ပူးပေါင်းရင်းမြစ်များ

Luka 10:20

Kae ia koutou nahe fiafia ona ko nā agaga kino e uhitaki atu ki a te koutou; kae fiafia auā ko nā igoa o koutou kua tuhituhia i te lagi.”

Ioane 5:27

Kua tuku atu foki e te Tamana ki te Ataliki, te pule ke ia fakamahinoa ai ia tagata uma, auā ko ia ko te Ataliki o te Tagata.

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

1 Kolinito 15:49

E vē ona fōliga ki tātou ki te tino na gaohia i te kelekele, ke vēnā foki ona fōliga ki tātou ki tē na fanaifo mai te lagi.

1 Kolinito 15:54

Kāfai la te mea tēnei e tupu, ma kua hūia te mea e fano e pala ki te mea e hē mafai ke pala, oi ka taunuku ai te kupu a te tuhituhiga paia e lea mai: “Ko te oti kua fakatōkilalo; ko te manumālō kua kātoatoa!”

2 Kolinito 5:8

Ko ki mātou e loto tetele, ma e hili atu to mātou naunau ke tukua o mātou tino fakatetagata, kae fakatahi ma te Aliki i tona fale.

Efeho 1:22

Kua tuku e te Atua nā mea uma ki lalo o nā vae o Keliho, ma tuku atu e ia ki te Ekalehia ke kavea ma Aliki hilihili e pule i nā mea uma.

Filipi 4:3

Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

1 Timoteo 3:5

Auā kāfai he tamāloa e hē ia mafai oi kikila lelei tona kāiga, e vēhea ona mafai e ia oi kikila lelei te Ekalehia a te Atua?

Epelu 11:4

Ko te fakatuatua o Apelu na ofo ai e ia ki te Atua he tāulaga e hili atu te lelei i lo te tāulaga a Kaino. Ko tona fakatuatua na talia ai ia e te Atua ko he tino āmiotonu, auā ko te Atua lava te na taliagia tana meaalofa. Ona ko tona fakatuatua, koi tautala ai pea lava ia Apelu, e ui lava kua mate.

Epelu 11:40

auā kua uma te fai e te Atua hētahi peleni e hili atu te lelei, mo ki tātou. Ko te fuafuaga a te Atua, ke nahe fakakātoatoagia to lātou lelei, heiloga kua i ei fakatahi ki lātou ma ki tātou.

Epelu 2:12

Kua lea vē atu ia ki te Atua: “Ka fakailoa e au ki nā tino o toku kaukāiga nā mea na fai e koe; Ka viviki ake au ki a te koe i nā mea e fai ai a lātou tāpuakiga.”

Epelu 9:27

Ko tagata uma e tatau ke oti fakafokotahi, ma ka uma tēnā oi kua fakamahino ai e te Atua.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.

1 Petelu 2:23

Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 14:4

Ko nā tino iēnei e hēki ki lātou faia lele ni mea ke hē mamā ai ki lātou, e vē ko te momoe ma ni fafine; ni taupou uma ki lātou. Nae mulimuli ki lātou ki te Punuamāmoe i ho he mea e fano ki ei. Kua fakahao ki lātou kae ke ofo atu o lātou tagata mo te Atua ma te Punuamāmoe, e vē ko te vāega muamua o te helehelega e ofo atu mo te Atua.

Fakaaliga 20:15

Ko nā tino e hēki tūhia o lātou igoa i loto o te tuhi o te ola, kua togi ki loto o te vaitūloto o te afi mumū.

Fakaaliga 6:11

Oi tuku atu ai ki a te ki lātou tau tokatahi he kofu tatao paepae ma fakatonu ke mapu tahi mālie, ke pa ki te taimi e kātoatoa ai te fuainumela o nā hoa kaukauna ma nā uho Kelihiano e tatau ke tāmate, e vē foki lava ko ki lātou na tāmate.

Fakaaliga 6:9

Oi tatala ai e te Punuamāmoe te fakamaufakailoga tona lima. Na kitea atu e au i lalo o te fata faitāulaga nā agaga o nā tino na tāmate ona na ki lātou tālakia te kupu a te Atua, ma na kavea ma molimau fakamāoni.