Epelu 12:22 - Tokelauan New Testament

²² Kae ko koutou kua ōmamai ki te Mauga o Hiona, ma ki te kakai o te Atua e ola, te Ieluhalema i te lagi, fakatahi ma te afe ma afe o agelu.

Epelu 12:22 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Mataio 5:35

pe ko te lalolagi, auā ko te mea ia e mapu ki luga ona vae; pe ko Ieluhalema, auā ko te kakai tēnā o te Tupu hili.

Loma 11:26

Ma ko tēnei te auala ka fakahao ai ia tagata Ihalaelu uma. E vē oi lea mai te tuhituhiga paia, “Ko te Fakaola ka hau mai Hiona ma kave kehe nā agahala uma a nā lāpuna o Iakopo.

Loma 9:26

Ma i te koga tonu lava na lea vē ai te Atua ki a te ki lātou, ‘E hē ni tino koutou e ōku,’ i kinā ka takua ki lātou ni fānau e a te Atua e ola.”

Kalatia 4:26

Kae ko te Ieluhalema i te lagi, e haoloto, ma ko te tātou mātua ia.

Efeho 2:19

Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua.

Filipi 3:20

Kae ko ki tātou ni tagatānuku e o te lagi, e fakatalitali ma te amanaki ki to tātou Fakaola, te Aliki ko Iehu Keliho, ke haele ifo mai te lagi.

1 Tehalonia 1:9

E tākua e ki lātou uma te tali leleia o ki mātou e koutou i te oatuga o ki mātou, ma te liliu kehega o koutou mai nā tupua, kae kaukauna ki te Atua moni e ola pea lava,

2 Timoteo 4:18

Ma ka laveakia au e te Aliki mai nā faiga kino uma, ma ia kavea au ma te haogalēmū ki tona Mālō i te lagi. Ke ia te ia te vīkiga ke pa lava ki te fakavavau! Amene.

Epelu 10:31

Ko he mea e matuā fakamātakutaku lele, kāfai he tino e i lalo o te pule a te Atua ola!

Epelu 11:10

Auā ko Apelaamo nae fakatalitali mo te kakai na fuafua ma fau e te Atua, te kakai e tūmau pea lava ona fakavae.

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Epelu 13:14

Auā e hēai he nuku tūmau mo ki tātou i lalo nei; ko ki tātou e hakilikili ki te kakai e tuku e pa mai.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 14:1

Oi kikila atu ai au, ma kō kitea atu te Punuamāmoe e tū i luga o te Mauga o Hiona; e i ei fakatahi ma ia nā tino e 144,000 kua tūhia i o lātou muāulu tona igoa ma te igoa o tona Tamana.

Fakaaliga 21:10

Oi ulufia ai au e te Agaga o te Atua, ma kua kave au e te agelu ki te tumutumu o he mauga maualuga. Kua fakaali mai e ia ki a te au ia Ieluhalema, te Kakai Paia, e fanaifo i te lagi mai te Atua

Fakaaliga 21:2

Ma na kō kitea atu te Kakai Paia, te Ieluhalema fou, kua fanaifo ki lalo mai te lagi mai te Atua, kua uma te tāpena ma hāuni, e vē ko he teine fakaipoipo kua teu mo tana tāne.

Fakaaliga 22:19

Ma ko ai lava e ia kave kehea he mea mai nā kupu vavalo o te tuhi tēnei e uiga ki nā mea ka tutupu i te taimi nei ma i he taimi i mua, ka kave kehe e te Atua tona vāega mai nā fua o te lākau o te ola, ma i te Kakai Paia, e vē oi tūhia i te tuhi tēnei.

Fakaaliga 3:12

Ko ai lava e manumālō, ka kō kavea ki lātou ke fai ma poutū o te mālumalu o toku Atua, ma ka hē toe olo kehe lele mai ai ki lātou. Ka kō tuhiagia ki o lātou luga te igoa o toku Atua ma te igoa o te kakai o toku Atua, te Ieluhalema fou, tēia ka fanaifo ki lalo mai te lagi mai toku Atua. Ka kō tuhiagia foki ki o lātou luga toku igoa fou.

Fakaaliga 7:2

Ma na kō kitea atu hētahi agelu e fanake ki luga mai te ohoga o te la, ma te fakamaufakailoga a te Atua ola. Kua kalaga leo lahi ki nā agelu e toka fa na tuku ki ei te pule e te Atua ke fakakino ai te laukelekele ma te tai.