Epelu 12:14 - Tokelauan New Testament

¹⁴ Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Epelu 12:14 ပူးပေါင်းရင်းမြစ်များ

Maleko 9:50

“Ko te māhima e lelei, kae kāfai te māhima kua uma tona kokona, e mafai vēhea nei ke toe fakakokona e koutou? “Ke ia te koutou te māhima ke tūmau ai pea te koutou fealofani ma te fīlēmū, i te va o tētahi ma tētahi.”

Luka 1:75

kae ke mafai ai ki tātou ke fakapaiagia ma āmiotonu, i mua o ia i aho uma o to tātou ola.

Loma 12:18

Fai uma nā mea e koutou mafaia, ke mafai ai oi maua he ōlaga fīlēmū i te va o koutou ma iētahi tino uma lele.

Loma 14:19

Ko te mea ia, ko ki tātou e tatau ke taumafai pea lava ke ola i te fīlēmū ma fehoahoani tētahi ki tētahi, ke taufai mālolohi ai.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

1 Kolinito 1:10

I te igoa o to tātou Aliki ko Iehu Keliho, e lea atu ai au ki a te koutou oku uho, ma toku loto naunau, ko koutou ke tahi i nā mea e tautatala ai koutou, kae ke nahe i ei ai ni fevaevaeakiga ia te koutou. Ke tahi kātoatoa koutou, tahi te manatu ma tahi te fakamoemoe.

1 Kolinito 13:12

Ko te mea e kitea e ki tātou i te taimi nei e vē he ata nenefu ki loto o he fakaata; kae i he taimi mulimuli oi ki tātou kitea lelei ai i te fakafehagai ma ia. Ko te mea kua iloa e au i te taimi nei e hē kātoatoa; kae ka kātoatoa mulimuli — e kātoatoa e vē ko te kātoatoa o te iloa o te Atua e uiga ki a te au.

2 Kolinito 6:17

Na vāgana foki te Aliki, “Olo kehe ma ki lātou ma nahe toe koutou nonofo fakatahi. Koutou nā fakapipiki ki te mea e hē mamā, oi talia ai koutou e au.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 3:21

Ko tona uiga la ko te Tūlāfono e teteke ki te folafolaga a te Atua? Hēai, e he vēnā! Auā kana he mea na maua e tagata he tūlāfono e maua ai te ola, anei ake e mafai e ho he tino ke fakalelei tona va ma te Atua i te uhitaki ki te tūlāfono.

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

Filipi 3:12

Ko au e hē lea atu kua maua e au te mea tēnei, pe ko au kua lelei kātoatoa. Kae ko au e tauivi lava ke kō maua te fakailoga. Ko tēnei tonu foki lava te māfuaaga na kavea ai au e Keliho Iehu ke fai mo ia.

1 Tehalonia 3:13

I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.

1 Tehalonia 4:7

E hēki kalagagia ki tātou e te Atua ke ola i nā uiga kino fakatetino, kae ke ola i nā uiga e paia.

1 Tehalonia 5:15

Kikila ke nahe i ei he tino e ia taui atua te kino i te kino, kae taumafai i taimi uma ke fai nā mea lelei e tētahi ki tētahi, ma vēnā ki tagata uma.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

Epelu 12:10

Ko ki tātou e akoaki e o tātou tamana faka-te-lalolagi mo hina taimi, kāfai e kikila ki lātou e tatau. Kae ko ki tātou e akoaki e te Atua mo te tātou lava lelei, kae ke paia ai ki tātou e vē ko ia.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

1 Petelu 3:11

E tatau ke liliu kehe mai te kino, ma fai nā mea e lelei; e tatau ke hakili ki te fīlēmū ma tona loto kātoa.

1 Petelu 3:13

Ko ai te ka ia faia he mea ke āfāina ai koutou, kāfai koutou e naunau ke koutou faia te mea e hako?

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.