Epelu 12:11 - Tokelauan New Testament

¹¹ Auā ko te akoakiga e fōliga ko he mea kua fai ke māhiahi ai kae hē ke fiafia ai. Kae i he taimi mulimuli, e maua e ki lātou na akoakia te taui, ko te ola i he ōlaga e fīlēmū ma āmiotonu.

Epelu 12:11 ပူးပေါင်းရင်းမြစ်များ

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

2 Kolinito 4:17

Ma ko nā tamā fakafītāuli iēnei e fetaiaki ma ki mātou ka maua ai e ki mātou nā vīkiga e fakavavau, e lahi mamao atu i lo nā fakafītāuli.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Epelu 12:10

Ko ki tātou e akoaki e o tātou tamana faka-te-lalolagi mo hina taimi, kāfai e kikila ki lātou e tatau. Kae ko ki tātou e akoaki e te Atua mo te tātou lava lelei, kae ke paia ai ki tātou e vē ko ia.

Epelu 5:14

Kae ko nā meakai mamafa e mo nā tino kua mātutua, kua i ei te poto māhani ma ki lātou iloa ai oi fakavahega te mea e hako ma te mea e kino.

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.

2 Petelu 2:14

Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.