Epelu 12:1 - Tokelauan New Testament

¹ Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 12:1 ပူးပေါင်းရင်းမြစ်များ

Mataio 10:22

ma ka inohia koutou e tagata uma ona ko au. Ka ko te tino e onohai pea lava ke pa ki te ikuga, ka fakaolagia.

Mataio 24:13

Kae ko te tino e onohai pea lava ke pa ki te ikuga, ka fakaolagia.

Maleko 10:50

Oi togi kehe loa tona kofu loloa, kae tū ki luga oi fano ki a Iehu.

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Luka 16:28

auā e toka lima oku uho — ke fakailoa ki ei kae ke nahe ōmamai ai ki te nofoaga tēnei o puapuagā.’

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Ioane 3:32

E molimau ia kinā mea na kitea ma lagona e ia, kae e hēai he tino e ia talia tana takutinoga.

Ioane 4:39

E tokalahi ia tagata Hāmālia i te kakai tēnā na talitonu ki a Iehu, ona ko te fafine na lea vē, “Na ia taku maia ki a te au, nā mea uma lele a āku na fai.”

Ioane 4:44

Auā ko Iehu lava te na lea, “E hē mamalu he pelofeta i tona lava nuku.”

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

Kalatia 2:2

Ko au na ala oi fano, ona na fakailoa mai lava e te Atua ki a te au, ko au e tatau ke fano. I ha mātou māfutaga nā ko ki mātou ma nā takitaki, na fakamālamalama ai e au ki a te ki lātou te Tala Lelei kua tālaki e au ki tagata nukukehe. E hē fofou au ko aku gāluega kua uma te fai ma nā gāluega i te lumanaki ke fakahēaogā.

Kalatia 5:7

Ko koutou nae fētutuli lelei lele! Ko ai te nae fakalavelave atu ki a te koutou ma kua hē mafai ai koutou ke talitonu ki te meamoni?

Efeho 4:25

Ko te mea ia, tuku loa te faitala pepelo. Ko ki tātou uma ni vāega e o te tino o Keliho, e tatau la ke tautala te uho Kelihiano ki tētahi ona uho, i te meamoni.

Filipi 1:30

Ko koutou ma au e tau fakatahi i te taua. Ko te taua lava e tahi na koutou kitea e tau e au i nā aho kua teka, ma koi tau ai pea lava toku tagata nei, ke pa mai lava ki te taimi nei.

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

2 Timoteo 2:4

E hēai he fitafita e galue i ona tiute fakafitafita e fofou ke ia faia ni iētahi gāluega kehe, auā ko te mea e fakamuamua i tona māfaufau, ke fakafiafia tona pule i ana gāluega.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Epelu 6:15

Ko Apelaamo nae onohai, ma na maua e ia nā mea na folafola e te Atua.

Iakopo 1:3

auā e iloa e koutou, kāfai e manumālō te koutou fakatuatua, ka kavea tēnā ma mea e maua ai te onohai.

1 Petelu 2:1

Ko te mea ia, kave kehe loa nā uiga kino uma; nahe toe talapepelo, pe fakagutugutulua, pe fuā pe fai tala fakakino.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

1 Petelu 5:12

Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

2 Petelu 1:6

ki te mālamalama o koutou e uiga ki te mea e fiafia ki ei te Atua, fakaopoopo ki ei te loto pūlea; ki te loto pūlea, fakaopoopo ki ei te onohai; ki te onohai, fakaopoopo ki ei te mataku i te Atua;

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Fakaaliga 13:10

Ko ai lava e tatau ke haihaitia, ka haihaitia lava; ko ai lava e tatau ke tāmate i te pelu, ka tāmate lava i te pelu. Ona ko te mea tēnei, e tatau ai ia tagata o te Atua ke tūmau i te onohai ma te fakatuatua.”

Fakaaliga 22:16

“Ko au ko Iehu, kua uga atu e au taku agelu ke fakamāonia nā mea iēnei ki nā Ekalehia. Ko au ko he lāpuna e o Tavita; ko au ko te fetu e huhulu pupula i te taeao.”

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.