Epelu 11:6 - Tokelauan New Testament

⁶ E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Epelu 11:6 ပူးပေါင်းရင်းမြစ်များ

Mataio 11:26

Io, te Tamana, ko te mea lava tēnei na fofou koe ke fai.

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Mataio 6:16

“Kāfai koutou e fakalāina, koutou nā mata fakanoanoa e vē ko faiga a nā tino āmio pepelo. E hē teuteua fakalelei o lātou fōliga kae ke matea ai e tagata ko ki lātou e fakalāina. E takutino atu e au ki a te koutou, ko tēnā oioti lava to lātou taui ka maua.

Mataio 6:33

Kae hakili muamua e koutou te Mālō o te Atua ma nā mea e fofou ia ke koutou faia, oi fōki atu ai e ia ki a te koutou nā mea uma iēnei.

Mataio 6:5

“Kāfai koutou e tatalo, ia koutou nā vē ko faiga a nā tino āmio pepelo. E fiafia oi tutū ma tatalo i loto o nā hūnako ma nā auala kae ke kitea ki lātou e tagata. E takutino atu e au ki a te koutou, ko tēnā oioti lava to lātou taui ka maua.

Maleko 16:17

Ko nā tino kua talitonu ka ia te ki lātou te pule e fai ai nā vāvega; ka ki lātou tuli kehea nā tēmoni; ka tautatala i nā gagana kehe;

Luka 12:31

Kae hakili atu ki tona Mālō, oi foki atu ai e ia ki a te koutou nā mea iēnei.

Luka 6:35

Kae alolofa ki nā fili o koutou ma fai lelei ei; fōki autou mea e aunoa ma he koutou māfaufau, ke toe maua mai he mea. Ka maua ai e koutou he taui lahi, ma kavea ai koutou ma fānau a te Atua Hilihilikehe. Auā ko te Atua e agalelei ki nā tino kino ma hē loto fakafetai.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Ioane 8:24

Ko te mea ia na lea atu ai au, ko koutou ka feoti ma autou agahala. Ma ka feoti koutou ma autou agahala kāfai koutou e hē talitonu ‘Ko Au Ko Au Lava Au.’ ”

Loma 10:14

Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Epelu 11:26

I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.

Epelu 4:2

Auā kua fakalogo ki tātou ki te Tala Lelei e vē foki lava ona fakalogo ki lātou ki ei. Na fakalogo ki lātou ki te fekau, kae e hēki aogā mo ki lātou auā e hēki talia e ki lātou ma te loto fakatuatua.

Epelu 4:6

Ko nā tino na muamua fakalogo ki te tala lelei, e hēki maua e ki lātou te malōlōga tēnā, ona e hēki talitonu. E i ei la iētahi tino e fakataga e te Atua ke ki lātou mauagia.

Epelu 7:19

Auā nae hē mafai e te Tūlāfono a Mohe ke fakalelei kātoatoagia he mea. Kae nei, kua kaumai e te Atua he fakamoemoe e hili atu te lelei, e tafapili ai ki tātou ki a te ia.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

2 Petelu 1:10

Ko te mea ia oku uho ma tuafafine, taumafai ātili ke kavea te kalagagia ma te filifilia o koutou e te Atua ma mea e mautū i te koutou ōlaga; kāfai e koutou faia te mea tēnei, ka hē mafai lele foki ke tīaki te koutou fakatuatua;

2 Petelu 1:5

Ko te mea ia e tatau ai koutou ke taumafai ki te mea e gata mai ai te koutou mafai ke fakaopoopo te āmio lelei ki te koutou fakatuatua; ki te āmio lelei fakaopoopo ki ei te mālamalama e uiga ki te mea e fiafia ki ei te Atua;

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”