Epelu 11:40 - Tokelauan New Testament

⁴⁰ auā kua uma te fai e te Atua hētahi peleni e hili atu te lelei, mo ki tātou. Ko te fuafuaga a te Atua, ke nahe fakakātoatoagia to lātou lelei, heiloga kua i ei fakatahi ki lātou ma ki tātou.

Epelu 11:40 ပူးပေါင်းရင်းမြစ်များ

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Epelu 7:19

Auā nae hē mafai e te Tūlāfono a Mohe ke fakalelei kātoatoagia he mea. Kae nei, kua kaumai e te Atua he fakamoemoe e hili atu te lelei, e tafapili ai ki tātou ki a te ia.

Epelu 7:22

Ko te kehekehega la tēnei, kua kavea ai foki ia Iehu ma fakamāoniga o te hili atu o te lelei o te feagaiga fou.

Epelu 8:6

Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 9:23

Ko nā mea iēnā, nā ata fakatuha o nā mea i te lagi na gaohia muamua, e tatau ke fakamamā i te faiga tēnei. Kae ko nā mea lava ia o te lagi, e manakomia ni tāulaga e hili atu te lelei.

Fakaaliga 6:11

Oi tuku atu ai ki a te ki lātou tau tokatahi he kofu tatao paepae ma fakatonu ke mapu tahi mālie, ke pa ki te taimi e kātoatoa ai te fuainumela o nā hoa kaukauna ma nā uho Kelihiano e tatau ke tāmate, e vē foki lava ko ki lātou na tāmate.