Epelu 11:31 - Tokelauan New Testament

³¹ Ko te fakatuatua te na hēki oti ai ia Lahapa te fafine talitāne ma nā tino nae hē uhitaki ki te Atua, auā na fakafeiloaki ma te fiafia e ia nā hipai Ihalaelu.

Epelu 11:31 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 1:5

ko Halamona te tamana o Poaha (ko tona mātua ko Lahapa), ko Poaha te tamana o Opeta (ko tona mātua ko Luta), ko Opeta te tamana o Iehe,

Gāluega 15:33

Kua mataloa mālie ho lā taimi i kinā, oi toe uga ai ma te fīlēmū e te kau uho, ma na toe fōki ai ki nā tino na ki lātou ugāgia ki lāua.

Epelu 3:18

I te faiga o te tautōga tēnei a te Atua, “Ka hē pa lele ki lātou ki te nuku na mea e tuku atu ai e au ki a te ki lātou he malōlōga” — ko ai te na fai agai ki ei? Na fai ki nā tino na fakatuikehe.

Iakopo 2:25

Na vēnā foki ia Lahapa te fafine talitāne. Na fakalelei tona va ma te Atua i ana gāluega nae fai, i te kua taliagia e ia o nā hipai Ihalaelu ki loto o tona fale, ma fehoahoani ki te fakahoholaga kui i hētahi auala.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

1 Petelu 3:20

Ko nā agaga iēnei e hēki uhitaki ki te Atua i te taimi ka koi fakatalitali ai ia ma te onohai mo ki lātou, i nā aho nae fau ai te vaka e Noa. E hē tokalahi nā tino nae i luga o te vaka — e toka valu oioti — na fakaola ki lātou e te Atua e ala i te vai.