Epelu 11:26 - Tokelauan New Testament

²⁶ I te manatu o Mohe, ko te maua o ia i nā fakahāuāgia ona ko te Mehia, e hili lele atu te tāua i lo nā koloa uma i Aikupito, auā nae kikila tahi lava ia ki te taui e ia maua i te lumanaki.

Epelu 11:26 ပူးပေါင်းရင်းမြစ်များ

Mataio 10:41

Ko ai lava e ia talia he pelofeta ona ko he pelofeta e a te Atua, ka maua fakatahi to lā taui. Ko ai lava e ia talia he tino āmiotonu ona ko he tino āmiotonu, ka maua fakatahi to lā taui.

Mataio 5:12

Koutou ke olioli ma fiafia, auā e i te lagi te koutou taui lahi. Nae vēnā foki lava nā fakahāuāga nae fai e tagata ki nā pelofeta i nā aho kua teka.

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Luka 14:14

oi fakamanuia ai koe, auā e hē ki lātou mafaia oi toe totogi atu koe. Ko koe ka totogi atu e te Atua i te aho e ia toe fakatutūa ai mai te oti, nā tino nae āmiotonu.”

Luka 14:33

E vēnā foki lava ona hē mafai e he tino o koutou ke kavea ma oku hoko, vaganā e ia tiakia ana mea uma lele.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

2 Kolinito 12:10

E kō taliagia la oku vāivaiga, nā kupu tau fakakino, nā fakafītāuli, nā fakahāuāga ma nā fakalavelave tutupu, ona ko Keliho. Auā kāfai au e vāivai, oi e mālohi ai au.

2 Kolinito 6:10

e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

Efeho 1:18

Ko au e talohaga atu ke tatala ko outou māfaufau ke kitea ai e koutou te mālamalama e hau mai ia te ia, kae ke iloa ai e koutou pe ko he ā tonu te fakamoemoe kua kalaga mai ai ki a te koutou, ma te lahi o nā fakamanuiaga gali kua folafola e ia ki ona tagata,

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Filipi 3:7

Kae ko nā mea uma lele nae fakatāua e au muamua, kua hē toe tāua i te taimi nei, ona ko Keliho.

Epelu 10:33

E i ei nā taimi nae fakamātagā ma fakahāuāgia ai koutou i mua o tagata, ma e i ei foki iētahi taimi nae fiafia lava koutou oi olo ke puapuagā fakatahi koutou ma nā tino nae fai ki ei nā faiga iēnei.

Epelu 10:35

Nahe uma te lototele ia te koutou, auā e maua e koutou he taui lahi.

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Epelu 13:13

Tātou olo foki la ki a te ia i fafo o te kakai, ke fakamātagā fakatahi ai ki tātou ma ia.

Epelu 2:2

Ko te fekau na tuku mai e nā agelu ki o tātou tupuna, e hako, ma ko nā tino e hē mulimuli pe hē uhitaki ki ei, e maua e ki lātou te fakahalaga e tatau mo ki lātou.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.

Fakaaliga 2:9

E iloa e au nā fakafītāuli o koutou; e iloa e au ko koutou e mātitiva — kae ko te meamoni lava, ko koutou e maukoloa! E iloa e au nā kupu kino nae fai ki a te koutou e nā tino e lea ko ki lātou ni Iutaia, kae e hē ni Iutaia; ni tino e o Hātani!

Fakaaliga 3:18

Ko te mea ia e fautua atu ai au ki a te koutou, ke fakatau ni autou aulo mai ia te au, nā aulo kua uma te fakamamā i te afi, kae ke maukoloa ai koutou. Fakatau foki ni kie papae ke kokofu ai koutou ma ke pupuni ai te mātagā o koutou. Fakatau foki ma ni vai mata mo outou mata, kae ke kitea lelei e outou mata.