Epelu 11:25 - Tokelauan New Testament

²⁵ Na fiafia lava ia ke puapuagā fakatahi ma tagata o te Atua, i lo te fiafia oi fai te agahala mo hina taimi.

Epelu 11:25 ပူးပေါင်းရင်းမြစ်များ

Mataio 13:21

Kae e hē loloto to lātou talitonu, ma e hē tūmau mataloa ai foki; ko te taimi lava e pa mai ai nā puapuagā ma nā fakahāuāga ona ko te fekau, e vave lele oi uma to lātou talitonu.

Luka 16:25

“Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Gāluega 7:34

Kua kō kitea nā fakahāuāga kua maua ai oku tagata i Aikupito. Kua kō lagona to lātou oitīgā, ma ko au kua fanaifo ke fakahaoloto ki lātou. Hau la, ko koe ka uga e au ki Aikupito.’

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Kolohe 1:24

I te taimi nei, ko au e fiafia ke puapuagā au mo koutou, auā ko oku puapuagā i te tino e fehoahoani ai au ke fakakātoatoa nā puapuagā o Keliho koi totoe, mo tona tino, te Ekalehia.

2 Timoteo 1:8

Ia koe la nahe mā oi molimau e uiga ki to tātou Aliki; ia koe foki nahe mā ona ko au, he pagotā ona ko Keliho. Kae ke talia e koe tō vāega o nā puapuagā mo te Tala Lelei, e vē ona fōki atu e te Atua te mālohi ki a te koe, ke fai ai e koe te mea tēnei.

Epelu 10:32

Māfaufau ki te tūlaga nae i ei koutou i nā aho kua teka. I nā aho iēnā, kua uma ai te huhulu atu o te mālamalama o te Atua ki a te koutou, e lahi nā mea nae pagātia ai koutou, kae ko koutou nae onohai lava.

Epelu 11:37

Nae fetogi i nā fatu, nae tatipi lua ma tāmate i te pelu. Nae kokofu i nā kofu paku māmoe pe ko nā paku oti — nae mātitiva, nae fakahāuāgia ma faikino ki ei ia tagata.

Epelu 4:9

Ko te mea ia, koi i ei lava mo tagata o te Atua he malōlōga, e vē ko te malōlōga o te Atua i tona fitu o aho.

Iakopo 1:20

Auā kāfai he tino e ita, ka hē ia mafai oi fakataunuku he mea e fokotahi o nā mea e fofou te Atua ke ia faia.

Iakopo 5:5

Ko te ōlaga o koutou i te lalolagi nei, kua tumu i nā mea lelei taugatā ma fiafiaga o te ōlaga. Kua koutou fakapepetia lava koutou mo te aho e tafahi ai.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.

Fakaaliga 18:7

Fai ni mea e lahi ke tīgāina ma fakanoanoa ai ia, ke vē foki lava ko te lahi o tona fāfia ki tona tamaokāiga. Auā e lea vē ifo lava ki a te ia i tona loto, ‘Ko au he tupu fafine e nofo i kinei i toku nofoāliki! Ko au e hē ko he fafine kua oti tana tāne! Ka hē maua lele au i te fakanoanoa!’