Epelu 11:19 - Tokelauan New Testament

¹⁹ Nae mautinoa lava e Apelaamo e mafai e Atua oi toe fakatutū nā tino mai te oti — ma i hētahi itū, na toe fakafoki lava e te Atua ki a Apelaamo tona ataliki ko Ihaako.

Epelu 11:19 ပူးပေါင်းရင်းမြစ်များ

Mataio 12:36

“E takutino atu e au ki a te koutou, kāfai e fakamahino e te Atua ia tagata uma, ko te taimi tēnā ka tōlaulau ai e tagata nā kupu uma lele e hēki tatau ke tautatala ai ki lātou.

Mataio 9:28

Kua ulu ia Iehu ki loto fale, oi ōmamai ai ki a te ia nā tāuaho e toka lua. Kua fehili atu ia Iehu ki a te ki lāua, “E talitonu koulua e mafai e au oi fakamālōlō koulua?” Kua tali mai ki lāua, “Io, te Aliki!”

Loma 5:14

Kae mai te vāitaimi o Atamu ke pa ki te vāitaimi o Mohe, ko te oti nae pule kātoa ki tagata uma, ke pa lava kinā tino e hēki agahala i te auala na agahala ai ia Atamu, ina kua hē uhitaki ki te fakatonuga a te Atua. I hētahi itū, ko Atamu e tāi vē oi tāi hē vē foki ko te tino na tuku e hau.

Efeho 3:20

Ki a te ia, tē e galue i loto ia te ki tātou e ala i tona mana, ma faia nā mea e hili lele atu te lahi i lo nā mea e gogō atu ki tātou ki ei, pe māfaufau foki ki ei:

Epelu 9:24

Auā ko Keliho e hēki fano ki loto o he Nofoaga Paia na fai i lima o tagata, te ata fakatuha o te mea moni i te lagi. Na fano lava ki te lagi ke fai ma fautua mo ki tātou i mua o te Atua.

Epelu 9:9

Ko he fakahinoga tēnei e fakatatau mo te taimi nei. Ko tona uiga ko nā meaalofa ma nā tāulaga ki te Atua e fai i nā manu, e hē mafai ke lelei kātoatoa ai nā loto o tagata tāpuaki e vē ko te tūlaga e tatau ke i ei ai,