Epelu 11:17 - Tokelauan New Testament

¹⁷ Ko te fakatuatua te na ofo atu ai e Apelaamo tona ataliki ko Ihaako ke fai ma tāulaga, i te tofotofoga o ia e te Atua. Ko Apelaamo te tino na fai ki ei e te Atua te folafolaga, kae na malie lava ke ofo atu tona Ataliki ke fai ma tāulaga.

Epelu 11:17 ပူးပေါင်းရင်းမြစ်များ

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 7:6

Ko Melekiheteka e hēki tupuga mai ia Levi, kae na ia aoa te tahi vaehefulu mai ia Apelaamo ma ia fakamanuiagia ia, te tino na tuku ki ei e te Atua ana folafolaga.

Iakopo 5:11

Ko nā tino e onohai e lea ki tātou e fiafia. Kua fakalogo koutou ki te onohai o Iopu, ma e koutou iloa nā mea na fai e te Aliki mo ia i te fakaikuga. Ko te Aliki e tīgā alofa ma alofa fakamāgalo.

1 Petelu 4:12

Te kau uho pele, koutou nahe fakatēkia lele i nā tofotofoga tīgā ma te ogohia e maua ai koutou ma fōliga ai e vē ko he mea kehe lele te kua pa ki ei koutou.

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.