Epelu 11:13 - Tokelauan New Testament

¹³ Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 11:13 ပူးပေါင်းရင်းမြစ်များ

Mataio 13:17

E takutino atu e au ki a te koutou, e tokalahi ia pelofeta ma tagata o te Atua na fofou lahi lele ke ki lātou kiteagia nā mea kua kitea e koutou, kae e hēki mafai e ki lātou, ma fia fakalogo ki nā mea kua lagona e koutou kae e hēki mafai e ki lātou.

Ioane 12:41

Na lea vēnei ia Ihaia auā na kitea e ia te mamalu o Iehu, ma nae tautala ki tagata e uiga ki ei.

Ioane 8:56

Ko Apelaamo te tamana o koutou, na fiafia ona na tuku e kikila ki te taimi e haele mai ai au; na kikila ki ei ma na fiafia lahi ai.”

Loma 4:21

Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

Loma 8:24

Auā ko te fakamoemoe te na fakaola ai ki tātou; kae kāfai e kitea e ki tātou te mea e fakamoemoe ki tātou ki ei, ko tona uiga e hē ko he fakamoemoe te mea tēnā. Auā ko ai he tino e fakamoemoe ki he mea e ia kitea?

2 Kolinito 4:18

Auā ko ki mātou e hē kikila ki nā mea e kitea, kae e kikila ki nā mea e hē kitea. Ko nā mea e kitea e hē tūmau, kae ko nā mea e hē kitea, e tūmau ke pa ki te fakavavau.

2 Kolinito 5:6

Ko ki mātou la e loto tetele i taimi uma. E iloa e ki mātou, kāfai ki mātou e i te fale i te tino fakatetagata, ko ki mātou e hē i te fale o te Aliki.

Efeho 2:19

Ko te mea la ia, ko koutou tagata nukukehe kua hē toe ni tagata nukukehe pe ni tino kehe. Ko koutou kua fai ma tagatānuku fakatahi ma iētahi uma kua i loto o te kāiga o te Atua.

Epelu 11:14

Kāfai nā tino e tautatala vēnei, e manino lele e hakilikili ki he nuku ke takua e o ki lātou.

Epelu 11:17

Ko te fakatuatua te na ofo atu ai e Apelaamo tona ataliki ko Ihaako ke fai ma tāulaga, i te tofotofoga o ia e te Atua. Ko Apelaamo te tino na fai ki ei e te Atua te folafolaga, kae na malie lava ke ofo atu tona Ataliki ke fai ma tāulaga.

Epelu 11:27

Ko te fakatuatua o Mohe te na ia tukua ai ia Aikupito. Na ia kiteagia te Atua lilo, ma na kavea tēnā ma mea e hēki mataku ai i te tōkahā o te tupu.

Epelu 11:39

Ma ko ki lātou uma iēnei, e ui lava i te takutakua o a lātou mea na fai e ala i te fakatuatua, kae e hēki ki lātou mauagia te mea na folafola e te Atua,

1 Petelu 1:1

Mai ia Petelu, he apohitolo e a Iehu Keliho — Ki nā tino kua filifilia e te Atua, e nonofo e vē ni tagata kua fakaaunukua ma e takape i nā kogāfenua o Ponitoho, Kalatia, Kapatokia, Ahia ma Pitunia.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

1 Petelu 2:11

Ko au e vēnei atu ki a te koutou te kau uho pele, koutou iēnā e nonofo e vē ni tino kehe ma ni tino e fakaaunukua i te lalolagi tēnei! Koutou nahe mulimuli ki tuinanauga o te tino, iē e fakahaga tau pea lava ki nā mea uma e lelei i loto ia te koutou.

1 Ioane 3:19

Ko nā mea la iēnā ka iloa ai ko ki tātou e i te meamoni, ma e lagona e o tātou loto te toka mālie i mua o te Atua.