Epelu 10:4 - Tokelauan New Testament

⁴ Auā ko te toto o nā povi ma nā oti, e hē mafai ke kave keheagia nā agahala.

Epelu 10:4 ပူးပေါင်းရင်းမြစ်များ

Maleko 12:33

E tatau koe ke alofa ki te Atua ma tō loto kātoa, ma tō māfaufau kātoa, ma tō mālohi kātoa, ma alofa ki tō tuākoi e vē ona alofa koe ki a te koe lava. E hili atu te tāua o te uhitaki ki nā fakatonuga iēnei e lua, i lo te fai o nā tāulaga mu i nā manu ma iētahi itūkāigā tāulaga ki te Atua.”

Ioane 1:29

I te aho alafaki na kitea atu ai e Ioane ia Iehu e agai mai ki a te ia, oi lea ai vē, “Kikila, tēia te Punuamāmoe a te Atua e kave keheagia ia agahala a te lalolagi!

Loma 11:27

Ka ohi e au te feagaiga tēnei ma ki lātou kāfai e kave kehe e au a lātou agahala.”

Epelu 10:1

Ko nā Tūlāfono Iutaia, e hē he ata fakatuha moni tēnā o te tūlaga hako e i ei nā mea iēnei, kae kua nā he ataata o nā mea lelei e tuku e pa mai. Ko nā tāulaga lava iēnā e ofo pea lava i tēia tauhaga ma tēia tauhaga. E mafai vēhea la e te Tūlāfono, e ala i nā tāulaga iēnā, ke ia fakakātoatoagia te lelei o nā tino e ōmamai ki te Atua?

Epelu 10:11

Ko nā ohitāulaga Iutaia uma lele e fakatino a lātou gāluega i aho takitahi, ma ofo ake fakafia te tāulaga lava e fokotahi; kae e hē mafai e nā tāulaga iēnei ke kave kehea nā agahala.

Epelu 10:8

Na lea muamua vē ia Keliho, “Ko koe e hē fofou ma hē fiafia ki nā tāulaga ma nā meaalofa, pe ko nā manu e mu i luga o te fata faitāulaga, ma nā tāulaga ke kave kehe ai nā agahala.” Na lea vēnei, e ui lava ko nā tāulaga uma lele, e ofo ake ki te Atua e tuha ai ma te Tūlāfono.

Epelu 9:9

Ko he fakahinoga tēnei e fakatatau mo te taimi nei. Ko tona uiga ko nā meaalofa ma nā tāulaga ki te Atua e fai i nā manu, e hē mafai ke lelei kātoatoa ai nā loto o tagata tāpuaki e vē ko te tūlaga e tatau ke i ei ai,

1 Ioane 3:5

E iloa e koutou ko Keliho na hau ke kave kehe nā agahala, ma e hēai lele hana agahala.