Epelu 10:39 - Tokelauan New Testament

³⁹ Ko ki tātou e hē ni tino e toe liliu kehe ma fakaumatiagia. Kae ko ki tātou e talitonu ki te Atua, ma e fakaolagia.

Epelu 10:39 ပူးပေါင်းရင်းမြစ်များ

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Luka 11:26

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua.”

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

Ioane 20:31

Kae kua tūhia nā mea iēnei kae ke talitonu ai koutou, ko Iehu ko te Mehia, te Ataliki o te Atua, ma e ala i te koutou fakatuatua kia te ia, ka maua ai e koutou te ola fakavavau.

Ioane 5:24

“E takutino atu e au ki a te koutou te meamoni; ko nā tino e fakalogo ki taku kupu ma talitonu ki tē na ia uga maia au, ka maua e ki lātou te ola e fakavavau. E hē fakamahinoa ki lātou, kae kua teka atu ki lātou mai te oti, ki te ola.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

2 Tehalonia 2:3

Nahe fakatagagia lele e koutou he tino ke ia fakahehēa koutou i ho he mea. Auā ko te Aho ka hē pa mai heiloga kua taunuku te fou a tagata ki te Atua ma hula mai te Tino Kino, tē e iku lava ki heoli.

1 Timoteo 6:9

Kae ko nā tino e fofou ke lahi ni a lātou koloa, e maua ki lātou i nā fakaohoohoga ma lave i te māilei a nā tuinanauga valea e fakakino ai ki lātou, ma toho ai ki lalo ki te mea e fakatāugā ma fakaumatia ai ki lātou.

Epelu 10:26

Auā kāfai e fai pea lava e ki tātou te agahala ma te mautinoa ka kua uma ai te fakailoa mai o te meamoni ki a te ki tātou, kua hē toe i ei la hētahi tāulaga ke kave kehea ai nā agahala.

Epelu 10:38

Kae ko nā tino o oku e āmiotonu, ka talitonu ma ola; kae kāfai he tino o ki lātou e toe liliu kehe ma au, ko au la ka hē fiafia ki a te ia.”

Epelu 11:1

Ko te fakatuatua ki te Atua e mautū ai to tātou fakamoemoe, ma mautinoa ai nā mea e hē ki tātou kitea.

1 Petelu 1:5

Ko nā mea iēnei e mo koutou, ma e ona ko koutou e fakatuatua ki a Iehu Keliho, kua puipui malu ai koutou i te mana o te Atua, mo te fakaolataga kua uma te tāpena ke fakaalia i te taimi mulimuli.

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

1 Ioane 5:16

Kāfai e kē kitea hō uho e ia faia he agahala e hē iku ai ia ki te oti, e tatau koe ke tatalo ki te Atua oi fōki ai e te Atua te ola ki tō uho. Ko te mea tēnei e fakaaga ki nā tino ko a lātou agahala e hē iku ai ki lātou ki te oti. Kae e i ei te agahala e iku ai te tino ki te oti, ma ko au e hē lea atu ko koutou ke tatalo ki te Atua e uiga ki te mea tēnā.

1 Ioane 5:5

Ko ai la te ia mafaia oi fakatōkilalo te lalolagi? E nā ko te tino lava e talitonu ko Iehu ko te Ataliki o te Atua.

Fakaaliga 17:11

Ma ko te manu fekai nae ola muamua kae kua hē toe ola nei, ko tona valu ia o tupu ma ko tētahi ia o te toka fitu, ma e fano ki te mea e fakaumatia ai.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.