Epelu 10:31 - Tokelauan New Testament

³¹ Ko he mea e matuā fakamātakutaku lele, kāfai he tino e i lalo o te pule a te Atua ola!

Epelu 10:31 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Luka 12:5

Kae ka fakailoa atu e au ki a te koutou te tino e tatau ke mātataku ai koutou: mātataku i te Atua, auā e ia te ia te pule ke togi ai he tino ki kēna, kāfai e uma te ia tāmatea. Talitonu mai ki a te au, ko ia te tatau ke mātataku ai koutou!

Luka 21:11

Ka i ei nā mafuie lalahi, nā oge ma nā fāmai pēhi i nā koga kehekehe uma; ma ka kitea ake ki te lagi nā fakailoga tūkehe ma te fakamātakutaku.

Gāluega 13:11

Ko te mea ia ka pakū atu ai ki ō luga te lima o te Aliki i te taimi nei lava; ko koe ka tāuaho ma ka hē kē kitea te māina o te la mo he taimi.” Ko te taimi lava tēnā na lagona ai e Eluma he puao uliuli kua pupuni ai ona mata, oi havali holo ai ke tau ia ki he tino ke takitakia ia i te lima.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

Epelu 10:27

Kae oioti lava te mea ko te fakatalitali ma te mataku, ke pa mai te Fakamahinoga ma te afi kakaha e fakaumatia ai ki lātou e teteke ki te Atua.

Epelu 12:29

auā ko to tātou Atua e vē he afi e fakaumatia kātoatoa ai.

Epelu 3:12

Koutou la ke mataala te kau uho, kae ke nahe i ei lele he tino o koutou e ia te ia he loto kino ma te hē talitonu, ma liliu kehe ai mai te Atua e ola.