Epelu 10:29 - Tokelauan New Testament

²⁹ He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 10:29 ပူးပေါင်းရင်းမြစ်များ

Mataio 26:28

ko toku toto tēnei e fakamau fakailoga ai te feagaiga a te Atua, ka fakamaligi mo nā tino e tokalahi, ke fakamāgalo ai a lātou agahala.

Mataio 7:6

“Nahe fōkia nā mea kua uma te fakapaia ki nā kulī — auā ka fakahaga mai oi takati koutou. Nahe togia autou pēnina ki mua o nā puaka — auā ka holi ki lalo i o lātou vae.

Maleko 7:2

Oi ki lātou kitea atu ai iētahi hoko e kakai ma o lātou lima e hē mamā — ko tona uiga e hēki fafanoa o lātou lima e vē ko te fakahinoga a te kau Falehaio ki tagata ke mulimuli ki ei.

Luka 12:10

“Ko ai lava e faia he kupu e teteke ai ki te Ataliki o te Tagata e mafai ke fakamāgalo; kae ko nā tino e faia ni kupu fāifāi ki te Agaga Paia, ka hē fakamāgaloa lele.

Ioane 10:36

Kae vē la ki a te au, ko te Tamana lava ia te na ia filifiliagia au, ma na ia uga maia au ki te lalolagi. E vēhea la ona lea koutou ko au e fāifāi ki te Atua ona ko au na lea atu, ‘Ko au ko te Ataliki o te Atua?’

Ioane 17:19

Ona ko ki lātou, e ofo kātoatoa atu ai au mo koe, kae ke mafai ai foki ke ofo kātoatoa atu ki lātou mo koe, ma te fakamāoni.

Gāluega 7:51

“Kai koutou te loto makaka!” Kua toe lea atu ia Hetefano, “Ko outou loto kua vē ko nā loto o tagata fakapaupau! Ko koutou te fakataliga tutuli ki te fekau a te Atua! E vē lava koutou ko nā tupuna o koutou: ko koutou foki kua teteke pea lava ki te Agaga Paia.

Loma 16:20

Ma ko te Atua, te puna o te fīlēmū, ka tuki pala e ia ia Hātani i lalo o outou vae, i he taimi pili mai. Ke ia te koutou te alofa tūnoa o to tātou Aliki ko Iehu.

1 Kolinito 11:27

Kae ko ai lava e kai ki te falaoa a te Aliki ma inu ki tana ipu i he faiga e takuvalea ai ia, kua agahala ia ona ko tana mea kino kua fai ki te tino ma te toto o te Aliki.

1 Kolinito 11:29

Auā kāfai e hē talia e koe te uiga o te tino o te Aliki i te taimi e kai ai koe ki te falaoa ma inu i te ipu, kua kē tuku atua lava koe ki te fakamahinoga.

1 Kolinito 15:25

Auā ko Keliho e tatau ke pule pea ke pa ki te taimi e fakatōkilalo ai e te Atua ona fili uma, ma tuku atu ai ki lātou ki lalo o ona vae.

1 Kolinito 15:27

Auā e lea mai te tuhituhiga paia, “Kua tuku e te Atua nā mea uma ki lalo o ona vae.” E manino lele la ko te fakakupuga, “mea uma” e hē aofia ai te Atua e ia tukua nā mea uma ki lalo o te pule a Keliho.

1 Kolinito 6:11

Ko iētahi o koutou nae vēnei. Kae ko koutou kua uma te fakamamāgia mai te agahala; ko koutou kua uma te ofo atu mo te Atua; kua uma te fakalelei o te koutou va ma te Atua e te Aliki ko Iehu Keliho ma te Agaga o to tātou Atua.

Efeho 4:30

Ma nahe koutou faia he mea ke fakanoanoa ai te Agaga Paia o te Atua. Auā ko te Agaga Paia ko te fakailoga ia a te Atua kua i outou luga e iloa ai ko koutou e a ia, ko he fakailoga mautinoa tēnā e iloa ai ka i ei te Aho ka fakahaoloto ai koutou e te Atua.

Efeho 5:26

Na ia faia te mea tēnei ke fakapaia ai te Ekalehia mo te Atua e ala i tana kupu (ka kua uma ai te fakamamāgia e ia i te vai),

Epelu 10:10

Ona na fai e Iehu Keliho te mea na fofou ki ei te Atua, kua fakamamāgia uma ai ki tātou mai te agahala, e ala i te tāulaga na ia ofo atu ai tona lava tino i te taimi lava tēnā e fokotahi, mo tagata uma.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 13:20

Kua toe fakatū e te Atua to tātou Aliki ko Iehu mai te oti, ko ia ko te Leoleomāmoe Hili, ona ko tona toto kua fakamautū ai te feagaiga ke pa ki te fakavavau. Ke fōki atu ki a te koutou e te Atua o te fīlēmū nā mea lelei uma e manakomia e koutou, kae ke mulimuli ai koutou ki tona finagalo, ma ke fai e ia ki a te ki mātou e ala ia Iehu Keliho, nā mea e fiafia ia ki ei. Ma ke vīkia pea lava ia Keliho ke pa ki te fakavavau! Amene.

Epelu 2:11

E fakamamā e ia ia tagata mai a lātou agahala, ma ko ia fakatahi ma ki lātou uma e fakamamāgia, e fokotahi lava to lātou Tamana. Ko te mea ia e hē mā ai ia Iehu oi takua ki lātou ni tino e o tona kaukāiga.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 6:4

Auā e vēhea ona mafai ke toe kaumai nā tino kua hē fakatuatua ki te Atua, ke toe halamō? Nae mālamalama ki lātou ki te moni o te fekau mai te Atua; na maua e ki lātou te meaalofa mai te lagi, ma talia fakatahi e ki lātou ma iētahi tino, te Agaga Paia;

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

Epelu 9:13

Ko te toto o nā oti ma nā povi ma te lefulefu o nā povi kua huhunu, e lūlū ki luga o nā tino ma e mamā ai ki lātou i nā itū tau tāpuakiga.

Epelu 9:20

Na vāgana ai vēia, “Ko te toto tēnei e fakamautū ai te feagaiga kua fakatonu e te Atua ke uhitaki koutou ki ei.”

Fakaaliga 1:5

ma vēnā foki mai ia Iehu Keliho, te molimau fakamāoni. Ko ia te tino muamua kua fakatū mai i te oti, ma e pule ia i tupu uma o te lalolagi. E alofa mai ia ki a te ki tātou, ma kua ia fakahaolotoagia ki tātou mai te agahala, e ala i tona toto na maligi,