Epelu 10:28 - Tokelauan New Testament

²⁸ Ho he tino e holia te Tūlāfono a Mohe, e tāmate e aunoa ma he alofa fakahao, pe kāfai kua hala i te molimau a ni tino e toka lua pe hili atu.

Epelu 10:28 ပူးပေါင်းရင်းမြစ်များ

Mataio 18:16

Kae kāfai e hē fakalogo atu ki a te koe, kave he tino e fokotahi pe he toka lua oi olo ma koe, kae ke mafai ai ke ‘fakamāonia ia mōliga takitahi uma i te molimau a ni tino e toka lua pe toka tolu,’ e vēia oi tūhia i te tuhituhiga paia.

Ioane 8:17

E tūhia i tautou Tūlāfono, kāfai e toka lua ia tino e molimau, ko te mea e lea ai ki lāua e hako.

Loma 9:15

Auā na vāgana te Atua ki a Mohe, “Ka fakaalia toku alofa fakahao ki ho he tino e loto au ki ei; ka fakaalia toku tīgā alofa ki ho he tino e loto au ki ei.”

2 Kolinito 13:1

Ko te tolu tēnei o taimi e fanatu ai au oi āhiāhi atu ki a te koutou. E vē oi lea mai te tuhituhiga paia, “Ho he mōliaga, e tatau ke fakamāonia i te molimau, a ni tino e toka lua pe hili atu.”

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 2:2

Ko te fekau na tuku mai e nā agelu ki o tātou tupuna, e hako, ma ko nā tino e hē mulimuli pe hē uhitaki ki ei, e maua e ki lātou te fakahalaga e tatau mo ki lātou.

Iakopo 2:13

Fai te mea tēnei auā i te aho fakamahino, e hēai he alofa fakahao e fakaalia mo he tino nae hē alofa fakahao ki iētahi tino. Kae e pa foki lava ki te faiga o tana fakamahinoga, ko te Atua e alofa fakahao.