Epelu 10:25 - Tokelauan New Testament

²⁵ Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

Epelu 10:25 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 18:20

Auā, ho he mea lava e fakatahi ai he toka lua pe he toka tolu i toku igoa, e i ei foki au ma ki lātou.”

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Gāluega 16:16

I tētahi aho, ka koi haeleele atu ki mātou ki te mea e māhani lava oi fai talohaga ai nā tino Iutaia, kae fetaui ki mātou ma he tautiti pologa nae ulufia e he agaga kino, ma nae ia mafaia oi vavalo nā mea ka tutupu i te lumanaki. Nae lahi nā tupe nae ia maua mo tona matai, e ala i ana gāluega vavalo nae fai mo tagata tau tokatahi.

Gāluega 2:1

Kua pa ki te aho o te Penitekoho, oi fakapotopoto ai ki lātou uma kua talitonu, ki he mea e fokotahi.

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Gāluega 20:7

I te afiafipō o te Aho Tonai, na maopoopo ai ki mātou mo te kaiga fakatahi a te kau Kelihiano. Na tautala ia Paulo ki tagata ma na talatalanoa ai lava ki ei ke pa lava ki te tūlua o pō, ona ko te aho alafaki e tuku e fano kehe ai.

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

1 Kolinito 11:20

Kāfai koutou e māfuta fakatahi, e hē ko te Kaiga a te Aliki te kakai ai koutou.

1 Kolinito 14:23

Kāfai la te Ekalehia kātoa e maopoopo fakatahi ma kāmata oi tautatala ia tagata tau tokatahi i nā gagana kehekehe — ma kāfai ni tino kehe pe ni tino hē talitonu e ōmamai ki loto, e i na hē lea nei ko koutou e vālelea?

1 Kolinito 14:3

Kae ko nā tino e ki lātou folafola te fekau mai te Atua, e tautatala ki tagata ma kavatu ki ei te fehoahoani, te fakamālohi, ma te fakamāfanafana.

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

1 Kolinito 5:4

e vē lava au e i kinā fakatahi ma koutou. Kāfai koutou e maopoopo, ma i ei ai ma toku agaga fakatahi ma te mana o to tātou Aliki ko Iehu,

Filipi 4:5

Fakaali ki ho he tino te loto agamalū. Ko te Aliki kua toeititi oi hau.

1 Tehalonia 4:18

Ko te mea la ia e tatau ai koutou ke fakamākeke tētahi ki tētahi, i nā kupu iēnei.

1 Tehalonia 5:11

Ko te mea ia e tatau ai lava koutou ke fakamākeke ma fehoahoani tētahi ki tētahi, e vē lava ko te mea e fai e koutou i te taimi nei.

Epelu 10:24

Tātou tau fakamālohi tētahi ki tētahi, ke tupu ai te alofa ma ke fai ai ni gāluega lelei.

Epelu 10:37

Auā e vē oi tākua i te tuhituhiga paia, “I he taimi kua hē mataloa, ko tē e haele mai ka haele mai; ka hē toe fakatali ia.

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

Epelu 3:13

E tatau koutou ke fakamālohi tētahi ki tētahi i aho takitahi, kae ke nahe i ei ai he tino o koutou e fakahehēgia e te agahala ma maua ai i te loto makaka. Kāfai te kupu “Aho nei” e vē oi tākua i te tuhituhiga paia e fakaaga ki a te ki tātou, e tatau la ke fai pea lava tēnei mea e tētahi ki tētahi.

Iakopo 5:8

Ko koutou foki la e tatau ke onohai. Ke tūmau te koutou fakamoemoe, auā ko te aho e haele mai ai te Aliki kua pili mai.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

2 Petelu 3:14

Ko te mea ia te kau uho pele, ka koi fakatalitali koutou ki te Aho tēnā, taumafai mālohi ke mamā ma hēai he mea e kino ai koutou i te kikila a te Atua, ma ke i ei koutou i te fīlēmū ma ia.

2 Petelu 3:9

Ko te mea kua uma te folafola e te Aliki e hē tuai te fakataunukuga e ia, e vē oi manatu iētahi tino. Kae e onohai pea lava ia, auā e hē fofou ke i ei he tino o koutou e fakaumatia, kae e fofou ko tagata uma ke liliu kehe mai a lātou agahala.

Iuta 1:19

Ko iēnei nā tino e ki lātou fakatupuagia nā fekehekeheakiga; ni tino e o te lalolagi e hē ia te ki lātou te Agaga o te Atua.