Epelu 1:2 - Tokelauan New Testament

² Kae i nā toe aho iēnei, kua tautala mai te Atua ki a te ki tātou e ala i tona Ataliki. Na gaohia e te Atua te lagi ma te lalolagi e ala i tona Ataliki, tē kua ia tōfiagia ke fai ma ona tofi nā mea uma iēnei.

Epelu 1:2 ပူးပေါင်းရင်းမြစ်များ

Mataio 13:39

ko te fili na ia totōa nā vao kino, ko te Tiāpolo tēnā. Ko te helehelega ko te ikuga tēnā o te ōlaga nei, ka ko ki lātou e helehelea, ko te kau agelu.

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 21:38

Kae i te kitea atuga e nā nofolihi te ataliki, oi lea vē ai tētahi ki tētahi, ‘Ko te ataliki tēnei o te tino e o ia te tōvine. Ōmai tātou olo oi tāmate kae kave mo ki tātou tona tofi i te fenua o tona tamana!’

Mataio 26:63

Kae ko Iehu kua hē kīkī lele. Oi toe fehili atu ai ki ei te Ulu Ohitāulaga, “Ko au e lea atu nei ki a te koe i te igoa o te Atua ola, taku mai ki a te ki mātou te meamoni: ko koe moni ko te Mehia, te Ataliki o te Atua?”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Maleko 1:1

Ko tēnei te kāmataga o te Tala Lelei ki a Iehu Keliho te Ataliki o te Atua.

Maleko 12:6

Ko toe tahi lava te tino koi totoe e mafai ke uga, ko tona ataliki fakapelepele. Mulimuli ake, oi uga ai e ia tona ataliki ki nā nofolihi. Kua vē ake tana kupu, ‘E talitonu au ka amanakia e ki lātou toku ataliki.’

Maleko 12:7

Kae kua fakataufai nā nofolihi ma lea vē tētahi ki tētahi, ‘Ko te ataliki tēnei o te tino e o ia te tōvine. Ōmai tātou olo oi tāmate ma kave ai tona tofi i te fenua o tona tamana mo ki tātou!’

Ioane 1:10

Ko te Kupu nae i te lalolagi, ma ko te lalolagi na gaohia e ala ia te ia, kae e hēki iloa ia e te lalolagi.

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 1:3

ma na fai e te Atua nā mea uma e ala i te Kupu; e hēai foki he mea e fokotahi i te lagi ma te lalolagi na fai, kae hē i ei te Kupu.

Ioane 13:3

Kua uma ai te iloa e Iehu ko te pule kātoa kua tuku ake e te Tamana ki a te ia, ma ko ia na hau mai te Atua ma e toe fano foki lava ki te Atua,

Ioane 13:32

Ma kāfai te mamalu o te Atua e fakaalia e ala i te Ataliki o te Tagata, ka fakaalia foki e te Atua te mamalu o te Ataliki o te Tagata e ala ia te ia, ma ka ia faia i te taimi nei lava.

Ioane 15:15

E hē toe kō takua koutou ni kaukauna, auā e hē iloa e nā kaukauna nā mea a to lātou matai e fai. Kae e takua koutou e au ni uō, auā kua uma te kō taku atua ki a te koutou nā mea uma na iloa e au mai toku Tamana.

Ioane 16:15

Ko nā mea uma lele a toku Tamana e āku; ko te mea ia na lea atu ai au, ka talia e te Agaga nā mea e lea ai au, ma e folafola atu e ia ki a te koutou.”

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

Ioane 3:16

Auā ko te alofa lahi o te Atua ki te lalolagi, na ia kaumaia ai tona Ataliki e tokatahi, kae ke nahe oti ai ho he tino e talitonu ki ei, kae ke maua e ia te ola e fakavavau.

Ioane 3:25

Ko iētahi hoko o Ioane, kua kāmata oi fai fīnauga ma he tino Iutaia e uiga ki te fakamamāgia.

Ioane 5:26

Auā ko te Tamana lava ia te puna o te ola, ma kua vēnā foki oi kavea e ia tona Ataliki, ke fai ma puna o te ola.

Ioane 5:27

Kua tuku atu foki e te Tamana ki te Ataliki, te pule ke ia fakamahinoa ai ia tagata uma, auā ko ia ko te Ataliki o te Tagata.

Ioane 9:29

E iloa e ki mātou ko te Atua na vāgana ki a Mohe; ka ko te tino tēnā e lea mai ai koe, e hē ki mātou iloa foki pe hau mai fea!”

Gāluega 10:36

Kua koutou iloa te fekau na ia kaumaia ki tagata o Ihalaelu, na folafola ai te Tala Lelei o te fīlēmū e ala ia Iehu Keliho, te Aliki o tagata uma.

Gāluega 2:17

‘Kua vāgana te Atua: Ko tēnei te mea ka kō faia i nā toe aho: Ka kō liligia toku Agaga ki luga o tagata uma. Ka tālaki e autou fānau taku fekau; ka kitea e outou taulelea talavou ni fakaaliga, ma ka fai miti nā tino mātutua.

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Kolinito 2:7

Ko te poto e folafola e ki mātou ko te poto lilo o te Atua tē e mumuni mai tagata, kae kua uma te ia filifilia ke maua ai e ki tātou ni vīkiga, ka ko hēki faia te lalolagi.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

Kalatia 4:4

Kae i te pa maiga o te taimi tonu na fuafuagia, oi uga mai ai e te Atua tona lava Ataliki. Na fānau mai i he fafine, ma na ola ake i lalo o nā Tūlāfono Iutaia,

Efeho 1:10

Ko te fuafuaga tēnei, te ka fakatino kātoatoa i te taimi e tatau ai, ka tuku fakatahi ai nā mea uma lele na gaohia i te lagi ma te lalolagi, ma kavea ai ia Keliho ma ulu.

Efeho 3:9

ma ke fakakikila ia tagata uma ki te fuafuaga lilo a te Atua ma tona fakatinoga. Nae mumuni e te Atua, tē na gaohia ia mea uma, tana fuafuaga lilo mai te kāloā,

Epelu 1:5

Auā ko te Atua e hēki lea lele vēnei ki hētahi o ana agelu, “Ko koe ko toku Ataliki i te aho nei ko au kua kavea ma o Tamana.” E hēki lea foki te Atua vēnei e uiga ki hana agelu, “Ko au ka kavea ma ona Tamana ma ka kavea ia ma oku Ataliki.”

Epelu 1:8

Kae e uiga ki tona Ataliki, na lea vē te Atua, “Ko tō Mālō, te Atua, ka tūmau pea lava ke pa ki fakavavau fakavavau lava! E pule e koe nā tino o koe ma te āmiotonu.

Epelu 11:3

Ko te fakatuatua kua mālamalama ai ki tātou ko te lagi ma te lalolagi na gaohia i te kupu a te Atua, ma ona ko tēnei, ko nā mea e kitea na gaohia mai i nā mea e hē kitea.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 3:6

Ko Keliho te Ataliki o te Atua, e fakamāoni i tona tūlaga ko te takitaki o te fale o te Atua. Ko ki tātou ko te fale o te Atua kāfai e tūmau pea to tātou loto mākeke ma te talitonu, ki te mea e fakamoemoe ki tātou ki ei.

Epelu 4:14

Ko te mea ia, tātou tāofi mau la ki nā mea kua folafola e ki tātou e talitonu ki tātou ki ei. Auā e i ei to tātou Ulu Ohitāulaga e hili te tāua, kua fano ki te mea e i ei te Atua — ko Iehu, te Ataliki o te Atua.

Epelu 5:8

E ui lava ko ia ko te Ataliki o te Atua, kae na akoakogia e ala i ona puapuagā, ke uhitaki.

Epelu 7:28

E tōfia e te Tūlāfono a Mohe nā tino e hē kātoatoa te lelei, ke kavea ma ulu ohitāulaga; kae ko te folafolaga a te Atua na fai ai ma tana tautōga ka ko hēki i ei ai te Tūlāfono, kua tōfia ai te Ataliki, tē kua uma te fakakātoatoagia o tona lelei ke pa ki te fakavavau.

Epelu 7:3

E hēai ni fakamaumauga e tūhia ai te tamana pe ko te mātua o Melekiheteka, pe ko ona tupuna; e hēai ni fakamaumauga o tona fānau mai pe ko tona mate. E vē foki ia ko te Ataliki o te Atua; e tūmau pea lava i te tofi ohitāulaga ke pa ki te fakavavau.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

1 Petelu 1:20

Na filifilia ia e te Atua ka ko hēki gaohia te lalolagi, ma na fātoā haele mai i nā toe aho iēnei, ke fehoahoani ki a te koutou.

2 Petelu 3:3

Ko te mea muamua, e tatau koutou ke mālamalama e i ei nā tino e pūlea e o lātou lava tuinanauga kino, ka ōmamai ki a te koutou i nā toe aho. Ka fakatauemu atu ki a te koutou

Iuta 1:18

Na lea atu ki a te koutou, “Kāfai e pa mai nā toe aho, ka ōmamai nā tino ma taufakalili atu ki a te koutou, nā tino e pūlea o lātou ōlaga e o lātou lava tuinanauga hē pūlea.”