Epelu 1:14 - Tokelauan New Testament

¹⁴ Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 1:14 ပူးပေါင်းရင်းမြစ်များ

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Mataio 13:41

ka uga atu e te Ataliki o te Tagata ana agelu ke kave kehe mai i tona Mālō ki lātou uma e takitakia ia tagata ki te agahala, ma iētahi e faia te āmiokino,

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 2:13

Kua olo kehe nā tino malaga, oi kitea ai e Iohefa he agelu a te Atua i he miti, e lea vē ake, “Ka hakili e Helota te tamaiti ke tāmate. Ko te mea ia, tū loa ki luga kave te tamaiti ma tona mātua oi hōhola ki Aikupito. Nonofo pea i kinā ke toe lea atu au.”

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Mataio 25:34

Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Mataio 4:11

Oi fano kehe ai te Tiāpolo, kae kua ōmamai nā agelu oi fehoahoani ki a Iehu.

Maleko 10:17

Kua toe fakaauau te malaga a Iehu, kae vili mai he tamāloa oi tōtuli i mua o ia kae fehili vē atu ki ei, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Luka 1:19

Kua tali mai te agelu, “Ko au ko Kapelielu. Ko au ko he kaukauna fakapitoa e a te Atua. Ko au na uga mai e te Atua ke tautala atu ki a te koe, ma fakailoa atu te tala lelei tēnei.

Luka 1:23

I te umaga o tona toe aho tiute i te Mālumalu, oi fano ai ki tona kāiga.

Luka 16:22

“Kua oti te tino mativa, oi kave ai e nā agelu ke nofo i tafa o Apelaamo, i te kaiga i te lagi. Kua oti foki te tamāloa maukoloa, oi tanu ai;

Luka 2:13

Kae teki lava kua i ei fakatahi ma te agelu, he vāega agelu tokalahi mai te lagi, e pepehe i nā vīkiga ki te Atua:

Luka 2:9

Oi kitea ai e ki lātou he agelu a te Aliki, ma kua huluia fakatāmilo ki lātou i te mamalu o te Aliki. Na mātataku lahi lele ki lātou,

Gāluega 11:22

Kua pa te tala iēnei ki te Ekalehia i Ieluhalema, oi uga ai e ki lātou ia Panapa ki Anitioka.

Gāluega 12:23

Ko te taimi lava tēnā na fakatauale ai ia Helota e te agelu, ona kua hē ia kavea te vīkiga ki te Atua. Kua kai tona tino e anufe ma na mate ai.

Gāluega 12:7

Kae nā lava e teki ko he agelu a te Aliki kua tū mai, ma he mālamalama kua huhulu i loto o te potu e i ei ia Petelu. Kua haehae atu te agelu ki te takuau o Petelu, oi ala ai ia Petelu, ma kua lea vē atu te agelu ki ei, “Faivave! Tū loa ki luga!” Ko te taimi lava tēnā na pakukū kehe ai nā filifili nae i ona lima.

Gāluega 13:2

Ka koi tāpuaki atu ki lātou ki te Aliki ma fakalāina, kae vāgana vē atu ki ei te Agaga Paia, “Tofi mai ma āku ia Panapa ma Haulo, ke fai te gāluega kua kō filifilia mo ki lāua.”

Gāluega 16:26

Kae nā lava e teki kua to he mafuie lahi ma lūlū ai te falepuipui i ona fakavae. I te taimi lava tēnā na mātalatala ai nā faitotoka o te falepuipui ma pakukū kehe nā filifili mai nā pagotā uma lele.

Gāluega 27:23

Auā ko anapō na hau ai he agelu a te Atua, tē e a ia au, ma e tāpuaki au ki ei

Gāluega 5:19

Kae i te pō, na hau ai he agelu a te Aliki oi tatala nā faitotoka o te falepuipui ma takitaki te kau apohitolo ki fafo, oi lea vē atu ai te agelu ki a te ki lātou,

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

Loma 13:6

Ko te mea foki ia e totogi ai autou lāfoga, auā ko te mālō e galue mo te Atua kāfai e fakatino uma o lātou tiute.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 15:27

Ko te tonu tēnā e a ki lātou lava; kae ko he mea tatau auā he tiute e o ki lātou ke fehoahoani ki ei. E vē ona manuia ia tagata nukukehe i nā fakamanuiaga fakateagaga na maua e tagata Iutaia, e tatau ai foki ke fakaaogā nā fakamanuiaga i nā mea tau te ōlaga e maua e tagata nukukehe, ke fehoahoani ai ki tagata Iutaia.

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

2 Kolinito 9:12

Auā ko te koutou fehoahoani tēnei, e hē gata e fehoahoani ai ki tagata o te Atua, kae ka mafai ai foki ke lagona e te tokalahi o tagata, te agaga fakafetai ki te Atua.

Kalatia 3:29

Kāfai koutou e a Keliho, ko koutou la ni lāpuna e o Apelaamo, ma ka maua e koutou uma nā mea kua uma te folafola e te Atua.

Kalatia 3:7

E tatau la ke koutou iloa, ko nā lāpuna moni lava o Apelaamo, ko ki lātou iēnā e fakatuatua ki te Atua.

Kalatia 3:9

Ko Apelaamo na talitonu ma na fakamanuiagia; ko ki lātou uma la e talitonu, e fakamanuia foki e vē ko Apelaamo.

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Filipi 2:17

E tuha lava pe kāfai ka fakamaligi toku toto e vē he tāulaga e ofo atu ki te Atua i luga o te fata faitāulaga e tuha ai ma te talitonuga o koutou, ko au e fiafia ma olioli fakatahi ma koutou uma.

Filipi 2:25

Kua manatu au e tatau ke uga atu ki a te koutou to tātou uho ki a Epafolotito, toku hoa i te gāluega ma nae tau fakatahi ma au, ma ko tautou kavefekau e fehoahoani mai ki a te au.

2 Tehalonia 1:7

ma ka fakamapu e ia koutou iēnā e puapuagā vēnā ma ki mātou. Ka ia faia te mea tēnei, kāfai te Aliki ko Iehu e haele ifo mai te lagi ma tana kau agelu mākekeke,

Tito 3:7

kae ke mafai ai ke fakalelei te va o ki tātou ma te Atua e ala i tona alofa tūnoa, ma maua ai e ki tātou te ola e fakavavau tēia e fakamoemoe ki tātou ki ei.

Epelu 10:11

Ko nā ohitāulaga Iutaia uma lele e fakatino a lātou gāluega i aho takitahi, ma ofo ake fakafia te tāulaga lava e fokotahi; kae e hē mafai e nā tāulaga iēnei ke kave kehea nā agahala.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

Epelu 6:17

Mo nā tino ka ki lātou mauagia nā mea kua uma te folafolagia, e fofou te Atua ke iloa e ki lātou ko tana folafolaga e hē hūia lele; ma ko te mea ia na fakaopoopo ai e ia tana tautōga ki tana folafolaga.

Epelu 8:6

Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 9:28

E vēnā foki lava te auala na ofo fakafokotahi atu ai ia Keliho ma tāulaga, ke kave kehea ai ia agahala a te tokalahi. Ka toe haele mai ia, e hē mo te fakamāgaloga o nā agahala, kae ke fakaola ki lātou e fakatalitali ma te amanaki ki a te ia.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 1:4

ma ko ki tātou la e amanaki ki to tātou tofi e tāofi e te Atua i te lagi, te mea e hē mafai ai ke pala, pe fakakino, pe matafi kehe.

1 Petelu 3:7

E vēnā foki koutou tāne; e tatau ke fai fakalelei e koutou autou āvaga i te koutou māfutaga, auā e hē tutuha to lātou mālolohi ma koutou. Fakaaloalo ki ei, auā ka maua foki e ki lātou fakatahi ma koutou te ola e ala i te alofa tūnoa o te Atua. Fai te mea tēnei kae ke nahe i ei ai he mea e fokotahi e fai ma fakalavelave i autou tatalo.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 5:6

Oi kitea atu ai e au he Punuamāmoe e tū i te va o te nofoāliki ma nā meaola ma nā toeaina. Ko te Punuamāmoe e fōliga kua tāmate, ma e fitu ona nifohua i tona ulu ma fitu ona mata, ko nā agaga iēnā e fitu a te Atua kua uga atu ki te lalolagi kātoa.